Ижкар+1 °C
30 -тӥ шуркынмон 2021 Пуксён
18+

Удмуртилэн 2021-тӥ арлы коньдэтэз сярысь катлэсь ӵектоссэ нырысетӥ лыдӟемен кутӥзы

  • 145
  • 0
Ижкар / Удмуртия
Удмуртилэн 2021-тӥ арлы коньдэтэз сярысь катлэсь ӵектоссэ нырысетӥ лыдӟемен кутӥзы
Туспуктэм: Руслан Нуриахметов

24-тӥ шуркынмонэ Удмуртиысь Кун Кенешлэн 29-тӥ сессияз элькунлэн 2021-тӥ арлы коньдэтэз сярысь катлэсь ӵектоссэ нырысетӥ лыдӟемен кутӥзы. Валтӥсь лыдпусъёсын депутатъёсты улосвылысь коньдон ужпумъёсъя министрлэн воштӥсез Вера Сухих тодматӥз.

Коньдэтлэн ӵектосаз табышлэн быдӟалаез 65 миллиард 935 миллион манет мында пусъемын. Со пӧлысь 51 миллиард 415 миллион манетэз – вытъёс но выт луисьтэм тыриськонъёс, 14 миллиард 520 миллион манетэз – федерал коньдэтысь вуоз шуыса чакламын.

Расходъёс 65 миллиард 959 миллион манет тыр пусъемын. Солэн бадӟым люкетэз мерлыко тыриськонъёслы мыноз – коньдэт чотын ужасьёслы уждун, мерлыко юрттэт сётон но ужасьтэм муртъёслы – пенсионеръёслы, нылпиослы, дышетскисьёслы, сӧсыръёслы, ужтэк кылемъёслы но мукет – эм утетлы.

Озьыен, коньдтэтлэн тырмисьтэм люкетэз 14 миллиард 520 миллион манет луэ

Элькунлэн коньдэтэз 29 кун программаосъя люкиськоз. Тужгес трос уксё – 21 миллиард 493 миллион манет – «Дышетонэз азинтон» программалы висъяны чакламын.

Удмуртилэн тӧроез Александр Бречалов пусйиз, вуоно арлы коньдэтлэн ӵектосэз берло аръёс ӵоже одӥгез тужгес секытэз луэ. Со быдэс дуннеын, кунын но элькунын экономика но эпидемиологи югдурен герӟаськемын.

Табыш но быдтон куспын пӧртэмлыкез 28-30 миллиард манет котыр луоз. Милем Федерация юрттэ. Али дотациосын выль транш возьмаськом. Валамон, секыт вакытъёс ортчытозь возьмам потэ. Но дугдыны уг яра, котькыӵе секыт мед луоз, асьмеос ӵош ватсаса луонлыкъёс но коньдон шедьтомы, таӵе югдурын но медаз дугдэ но мед азинскомы шуыса
Александр Бречалов, Удмуртилэн тӧроез

Улосвыл коньдэтлэн ӵектосаз тупатон-ватсанъёсты 2-тӥ толсурозь пыртыны кулэ. 2021-тӥ арлы коньдон ужпумъёсъя валтӥсь ужкагазэз 15-тӥ толсуре йылпумъясь лыдӟемен эскерозы.

Тодэ вайытом, Кун Кенешлэн сессияз элькунысь 14 праздникъёсты но 19 тодэ ваён нуналъёсты катэн юнматӥзы.



Наверх
Вниз