Ижкар-1 °C
26 -тӥ толшор 2021 Пуксён
18+

Фермеръёслэн школазы ужаны кутскоз Удмуртиын

  • 44
  • 0
Ижкар / Удмуртия
Фермеръёслэн школазы ужаны кутскоз Удмуртиын
Туспуктэм: Григорий Фомин

2021-тӥ арын Удмуртия «Школа фермера» ӵектосэ пыриськись улосвылъёс борды итӥськиз. Дунтэк дышетсконэ 20 фермер возёсъёты кутозы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Фермерлэн школаяз пыриськисьёсты конкурс амалэн быръёзы, мылкыд карисьёслэсь куриськонъёсты кутон мынэ ни. Дышетон 24-тӥ тулыспалэ кутскоз.

Программае фермеръёс понна азинлыко луись кык ӧръёсъя теорияя но практикая дышетонъёс пыртэмын: сӥльлы пудо вордон но сыръёс лэсьтон. Нимысьтыз саклык кооперацилэн инъетъёсызлы, вузъёсты пайдалыко вузанлы, федерал вузпӧре потыны яке элькунлэсь туристъёсты кыскыны быгатонлыкъёссэ будэтыны быгатӥсь кужмо улосвыл бренд кылдытонлы
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Теорияя дышетонлэн оглюкетэз онлайн амалэн ортчоз, соосты Ижысь гурт возёяяъ академиысь дышетӥсьёс, ӧтем экспертъёс нуозы. Практика элькунысь валтӥсь фермер но гурт возёсъёсын радъяськозы. Курс кык толэзьлы чакламын. Сое йылпумъясьёс фермер возёсэн кивалтон удысъя быгатонлыкъёссэс будэтэм сярысь диплом басьтозы.

Ватсалом, «Школа фермера» ӵектосэз эскерон вылысь 2020-тӥ арын ньыль улосвылъёсын улонэ пыӵатӥзы: Ставрополь шаерын, Башкортостанын, Москва но Новосибирск улосвылъёсын. Отчы пыриськисьёс туж умой мылкыдъёссэс веразы, соин ик программае пыриськись улосвылъёслэсь лыдметсэс паськытатыны малпазы. Дышетон ӧръёсты котькуд улосвылысь луонлыкъёсты но кулэяськонъёсты лыдэ басьтыса быръё.

Тодэ вайытом, Удмуртиысь фермеръёс кеч йӧллэсь француз сыръёс лэсьтыны кутскизы.



Наверх
Вниз