Ижкар+1 °C
13 -тӥ оштолэзь 2021 Пуксён
18+

5 миллион манет висъялозы Удмуртиын борщевикез быдтыны

  • 433
  • 0
Ижкар / Удмуртия
5 миллион манет висъялозы Удмуртиын борщевикез быдтыны
Туспуктэм: Удмуртиысь гурт возёсъя но сиён-юонъя министерстволэн пресс-службаез

2021-тӥ арын Удмуртиын Сосновскийлэн борщевикеныз нюръяськыны 5 миллион манет висъялозы. Гурт ёросъёслы жаг турынэз быдтон понна элькун бюджетысь коньдон нырысьсэ сётозы. Со сярысь улосвылысь гурт возёсъя но сиён-юонъя министерстволэн пресс-службаез ивортӥз.

Юрттэтэз басьтон понна ёросъёслэн борщевикез быдтонъя муниципал программазы, жаг турынэн басьтэм интыос сярысь ивортонэз Удмуртилэн цифровой картаяз пыртэмын, асьсэлэн ватсаны коньдонзы луыны кулэ. Ужъёсты муниципалитетлэн асъетаз пырись музъемъёс вылын гинэ быдэстыны яра.

Туннэ нуналлы борщевик элькунысь 7 сюрс гектарлэсь трос музъемъёс вылын вӧл-вӧл будэ. Нырысь ик, уже кутыны ярантэм интыосын – сюресъёс но сикъёс дурын, нюкъёсын, ярдуръёсын. Но вакчи дыр ӵоже со бадӟым музъемъёс вылэ вӧлмыны быгатэ.

Сосновскийлэн борщевикеныз нюръяськонъя ужанрадлык Удмуртиын 2019-тӥ арысен улонэ пыӵатӥське. Но коньдэтысь уксё висъямтэен сэрен, ужез кин кызьы быгатэм нуизы – нимысьтыз коньдон 10-лэсь ӧжытэз гинэ ёросъёс висъяны быгатӥзы.

Кык арскын борщевиклэсь 1 сюрс 630 гектарез мозмытӥзы

Со дыре ик элькунын та ужез нуыны быгатӥсь трос гинэ компаниос вань. Муниципал контрактъёсъя соос Пермь шаерын, Москва, Ленинград но мукет улосвылъёсын ужазы. Соос борщевикен нюръяськонын пӧртэм ласянь юрттыны быгато – гербицидъёсты быръён бордысен тазатон ужез нуытозь.  



Наверх
Вниз