Ижкар+1 °C
13 -тӥ оштолэзь 2021 Пуксён
18+

Тысь куасьтон огъетъёсы чагыр эстӥськон кыскыны субсидиос висъялозы Удмуртиысь гурт возёсъёслы

  • 365
  • 0
Ижкар / Удмуртия
Тысь куасьтон огъетъёсы чагыр эстӥськон кыскыны субсидиос висъялозы Удмуртиысь гурт возёсъёслы
Туспуктэм: Удмуртиысь гурт возёсъя но сиён-юонъя министерстволэн пресс-службаез

2021-тӥ арын Удмуртиысь гурт возёсъёслы тысь куасьтон огъетъёсы чагыр эстӥськон кыскыны субсидиос висъялозы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Субсидилэн быдӟалаез чагыр эстӥськон кыскыны быдтэм коньдонлэн 30 процентэз мында луоз

Сое 2019-2020 аръёсы тысь куасьтон огъетъёсазы чагыр эстӥськон кыскем гурт возёсъёслы висъялозы. Кылсярысь, 2019-тӥ арын чагыр эстӥськон укмыс огъетъёсы кыскизы, нош 2020-тӥ арын – 14. Вань ужъёсты гурт возёсъёс ас коньдонэнызы быдэстӥзы. Оглом 73 миллион 800 сюрс манет быдтӥзы.

Кун юрттэтлэн огъя быдӟалаез 22 миллион 100 сюрс манет луоз

Пусъём, элькунамы та дыре тысь куасьтон 395 огъетъёс ужало, тросэз соос пӧлысь выльдэмез кулэ каро, уго пӧлысьтызы 83-ез дизельной эстӥськонэн ужало, 146-ез – гурен эстӥсько, нош 24-зэ воксё но пуэн эсто.

Та юрттэт азьланяз но луиз ке, Удмуртиын араз 20 пала тысь куасьтон огъетъёсы чагыр эстӥськон кыскыны чаклало. Со тысь возён шуг-секытъёсты палэнтыны юрттоз. Кылсярысь, Юкаменск ёросысь «Луч» возёсын чагыр эстӥськон вылэ потыса, эстӥськон суретъёслы 65 процентлы ӧжытгес коньдон быдтӥзы, озьы 1 центнер тысьсэс куасьтон дунзы но куинь поллы кулэсмиз. Нош со сяна, чагыр эстӥськон тысь куасьтонлэсь ӟечлыксэ но кидыслэсь ӟечлыксэ будэтыны луонлык сётэ.



Наверх
Вниз