Ижкар+18 °C
9 -тӥ куартолэзь 2021 Воскресенье
18+

Устозэ зоотехникез-селекционерез нырысьсэ бырйизы Удмуртиын

  • 504
  • 0
Юльской / Удмуртия
Устозэ зоотехникез-селекционерез нырысьсэ бырйизы Удмуртиын
Туспуктэм: Удмуртиысь гурт возёсъёсъя но сиён-юонъя министерстволэн пресс-службаез

Удмуртиын Гуртлэн араз зоотехникъёслэн-селекционеръёслэн I элькун вожвылъяськонзы ортчиз. Вотка ёросысь «Учхоз «Июльское ИжГСХА» огазеяськонэ элькунысь гурт возёсъёсысь 18 ӧнерчиос, озьы ик гурт возёсъя академиысь зооинженерной факультетысь куать студентъёс пумиськизы – соос понна нимысьтыз номинация радъямын вал. Со сярысь улосвылысь гурт возёсъя но сиён-юонъя министерстволэн пресс-службаез ивортӥз.

Ӧнер устолыкез эскерон куинь люкетэн мынӥз. Нырысь ик теориез тодонлыксэс возьматӥзы. Кыкетӥяз ӧри пыриськисьёслэсь пудо выжыез умоятон ласянь уж нуэмзэс дунъяз. Собере гидын пудолэсь шекъёссэс но тырмымтэоссэс шараян быгатонлыкъёссэс эскеризы.

Селекционеръёс пӧлын ӧнер устолыкъя элькун конкурс милемлы туж кулэ. Тӥляд киосыныды но тодонлыкъёсыныды пудо вордонлэн азьланез кылдытӥське, асьмеос сое пусйимы ни – со йӧло выжыысь сюро таза пудоез вордонын геномной селекцие выжон. Удмуртия \нырысетӥез улосвыл, кытын сыӵе ӵектос йӧло пудое вордонэз азинтонъя ужанрадлыке пыртэмын
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Вожвылъяськонын Вавож ёросысь «Колос» гурт возёсын ужась Анастасия Матвеева вормиз. Кыкетӥ инты Вавож ёросысь ик Мичурин нимо возёсысь Анастасия Наймушина басьтӥз. Куинетӥ интыын – Эгра ёросысь «Чутырский» возёсысь Марина Чиркова.

Анастасия Матвеева Удмуртилэсь данзэ федерал вожвылъяськонын утёз. Кунысь устоосыз зоотехникъёс-селекционеръёс 7-11 инвожое Татарстанэ люкаськозы

«Ветеран зоотехнической службы» номинациын Вавож ёросысь «Удмуртия» возёсысь Надежда Байкузинаез пусйизы. Со удысын 37 ар ужа ни.

«Самый молодой зоотехник-селекционер» номинациын данъетэз Шаркан ёросысь «Суч» возёсысь Артём Вяткинлы сётӥзы.

Студентъёс пӧлын тужгес умой быгатонлыкъёссэ возьматӥзы Максим Дьяконов (3-тӥ курс), Надежда Антропова (4-тӥ курс), Ульяна Тучкова (4-тӥ курс). 

Тодэ вайытом, 2020-тӥ арын Удмуртиын араз 10 сюрс килограммлэсь трос йӧл сётӥсь скалъёслэн лыдзы, 2019-тӥ арен ӵошатыса, 244 процентлы йылӥз



Наверх
Вниз