Ижкар+2 °C
28 -тӥ коньывуон 2021 Покчиарня
18+

Ю-нянь аран-кутсан ужъёс йылпумъясько Удмуртиын

  • 157
  • 0
Ижкар / Удмуртия
Ю-нянь аран-кутсан ужъёс йылпумъясько Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын ю-нянь аран-кутсан ужъёс йылпумъясько. Элькунъя оглом 2 сюрс гектарлэсь кӧнялы ке гинэ тросгес утялтыны кылиз на. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Оглом аран-кутсан ужъёс элькунын 99 процентлы быдэстэмын ини. Берпуметӥ гектаръёссэс Яр но Дэбес ёросъёсын гинэ утялто на. 8-тӥ куарусёнлы лыдпусъёсъя, Яр ёросын ужъёссы 85 процентлы лэсьтэмын, Дэбес ёросын – 95 процентлы. Ужъёссэс арня пумозь йылпумъяны чаклало.

Туннэ нуналлы гуртоос 494 сюрс 400 тонна ю тысь жильдӥзы ни. Котькуд гектарысь 17,4 центнер уськытӥзы (кылем арын 22,9 центнер вал)

Озьы ик, валэс но толйись рапсэз утялтон ужъёс азьланьтӥсько. Та дырлы гуртоос будосэз 56 процентысьтыз яке 5,3 сюрс гектарысь кизем бусыосысь утялтӥзы ни. Оглом 4,8 сюрс тонна тысьсэ жильдӥзы. Ӟечлыкез гектарысь 9 центнер луэ (кылем арын гектарысь 15,5 центнер усе вал).

Етӥн будэтӥсьёс 67 процентсэ урожайзэс ишкизы но вӧлдӥзы ни. Бакча сиён будэтӥсьёс 13 процент бусыосысьтызы емышсэс бичазы. Та дыре кубистаез, кушманэз, ӵуж кушманэз утялто. Картофкаез 350 гектарысь бичазы ни (чакламлэсь 12 процентсэ) но туннэ нуналлы 6,1 сюрс тонна люказы.Тужгес бадӟым ӟечлыкен вавожъёс бичало – ёросын картофказы гектарысь 226 центнер потэ. Элькунъя та лыдпус гектарысь 129 центнер луэ (кылем арын гектарысь 158 центнер люкаське вал).

Тодэ вайытом, Удмуртиысь 14 ёросъёс толйись юосты кизьыны чаклам лыдпусъёссэс быдэстӥзы ни.



Наверх
Вниз