Ижкар-4 °C
2 -тӥ толсур 2021 Покчиарня
18+

«Школа фермера» ӵектосэ пыриськыны куриськонъёсты кутыны кутскизы Удмуртиын

  • 369
  • 0
Ижкар / Удмуртия
«Школа фермера» ӵектосэ пыриськыны куриськонъёсты кутыны кутскизы Удмуртиын
Туспуктэм: Юлия Ившина

Удмуртиын «Школа фермера» дышетон ӵектослэн кыкетӥ потоказ пыриськыны куриськонъёсты кутыны кутскизы. Со сярысь элькун тӧролэн но кивалтэтлэн пресс-службазы ивортӥз.

Куриськонъёсты 2021-тӥ арын 10-тӥ куарусёнысен 8-тӥ коньывуонозь Ижкарысь гурт возёсъя кун академиын басьтозы. Дышетскон 20-тӥ коньывуонэ кутскоз

Берло аръёсы ми адӟиськом, фермер луон – Удмуртиысь гурт возёс огъетысь огез тужгес азинлыкоез ӧр луэ. Выль фермеръёс потэмлы луыса элькунамы нырысьсэ сити-фермерство, сӥль поттон понна пудо вордон, сыр лэсьтон кылдӥзы
Ольга Абрамова, Удмуртиысь кивалтэтлэн тӧроезлэн воштӥсез – гурт возёсъя но сиён-юонъя министр

Ольга Абрамовалэн кылъёсызъя, «Школа фермера» ӵектосэ пыриськон возёсъёслы ӟеч юрттэт сётэ.

Дышетскон Ижкарысь гурт возёсъя кун академиын ортчоз. Уж борды палэнысь экспертъёсты но кыскозы, кылсярысь, онлайн амалэн. Озьы ик фермер вёзёсъёсын но гурт предприятиосын практикая занятиос радъялозы.

Выль потоке пыриськисьёсты конкурс ӧри быръёз. Группае 25 муртэз басьтозы

Программа «Сити-фермерство» («Овощеводство» профилья) но «Ремесленное сыроделие» ӧръёсъя 256 часлы чакламын. Ӵектосъёссэс утем выпускникъёс дипломъёс но грант утыны луонлык басьтозы.

Конкурсэ пыриськыны быгато:

- крестьян-фермер возёсъёс яке нимаз ужбергатӥсьёс, кудъёсыз гурт возёс продукциез будэтон но (яке) солэсь вузъёс поттон бордын тыршо. Соос одно ик Удмуртиысь гуртъёсын яке гурт агломерациосын регистрировать каремын луыны кулэ. Со сяна ӧнеръя шор но (яке) вылӥ дышетскемзы луыны кулэ;

- ӧнеръя шор но (яке) вылӥ дышетскем басьтӥсьёс;

- ас юртъерзэс возисьёс.

8-тӥ коньывуонозь конкурсэ пыриськыны мылкыд карисьёс асьсэ ӧнер опытсы но чаклам ӵектоссы сярысь вакчияк веранэн эссе, презентация но (яке) видеоролик дасяны кулэ. Куриськонэз но ужъёсты shkola-fermer21@izhgsha.ru электрон почтае ыстоно. Юанъёсын 8 (3412) 59-39-13 телефон номеръя вазиськыны луэ.

Тодэ вайытом, «Школа фермера» ӵектослэсь нырысетӥ потоксэ Удмуртиын 27 адями йылпумъяз.  



Наверх
Вниз