Ижкар+1 °C
30 -тӥ шуркынмон 2021 Пуксён
18+

6,8 процентлы тросгес йӧл кыскизы Удмуртиысь гурт возёсъёс

  • 146
  • 0
Ижкар / Удмуртия
6,8 процентлы тросгес йӧл кыскизы Удмуртиысь гурт возёсъёс
Туспуктэм: Григорий Фомин

Удмуртиысь гурт возёсъёс 2021-тӥ ар кутсконысен 578,4 сюрс тонна йӧл кыскизы ини. Со кылем арын та дыр ӵоже ик кыскемлэсь 36,8 сюрс тонналы яке 6,8 процентлы тросгес. Со сярысь элькунысь гурт возёсъя но сиён-юонъя министерстволэн пресс-службазы ивортӥз.

Котькинлэсь трос йӧл Вавож ёросын кыско. Туэ тямыс толэсь ӵоже соос 59,3 сюрс тонна йӧл поттӥзы ини. Соос ик йӧлзэс вузан лыдпусъёсъя но азьветлӥсьёс луо. Ар кутсконысен 55,6 сюрс тонна йӧлзэс вузазы ини

Кыкетӥ интыын Шаркан ёросысь гурт возёсъёс. Соос тямыс толэзь ӵоже 48,3 сюрс тонна йӧл кыскизы но 45,4 сюрс тонназэ вузазы.

Куинетӥ интыын – можгаос: 41,5 сюрс тонна кыскизы, 38,7 сюрс тонна вузазы.

Нош йӧл поттон но вузан лыдпусъёссэс йылтэмъя учконо ке, татын азьмынӥсьёс воштӥськизы. Озьы, 1-тӥ куарусёнлы йӧл поттонэз будэтонын азьпала Каракулино ёросысь возёсъёс потӥзы. Соос лыдпуссэс кылем арынлэсь 16,7 процентлы умоятӥзы. Нош йӧлэз вузанъя нырысетӥ интыын киясаос – соос кылем арынлэсь 16,6 процентлы тросгес вузазы.

Та дыре Удмуртиын одӥг скаллэсь шорлыдын 19 килограмм йӧл кыско (кылем арын ты дыре 18,2 килограмм кыско вал)

Тодэ вайытом, толэзь талэсь азьло гуртоос кылем арын ӵошатыса 7,2 процентлы кылем арынлэсь тросгес кыско вал. 



Наверх
Вниз