Ижкар-4 °C
5 -тӥ толсур 2021 Воскресенье
18+

Гурт возёс удысын ужасьёслэн туспуктэмъёсынызы кыкетӥез адӟытон ужаны кутскиз Ижкарысь Шор площадьын

  • 246
  • 0
Ижкар / Удмуртия
Гурт возёс удысын ужасьёслэн туспуктэмъёсынызы кыкетӥез адӟытон ужаны кутскиз Ижкарысь Шор площадьын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Ижкарысь Шор площадьын гурт возёс удысын ужасьёслэн туспуктэмъёсынызы кыкетӥез адӟытон ужаны кутскиз. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Таяз радэ адӟытонэз сӥзизы со ужасьёслы, кинлэн тыршемез бордысь ю-няньлэн удалтэмез но ӟечлыкез потэ - со валтӥсь агрономъёс, тракторист-механизаторъёс, валтӥсь инженеръёс.

Адӟытонэ оглом 26 адямиослэн туспуктэмъёссы пыризы

Котькудзы – быдэс улонзэс гурт возёслы сӥзем бадӟым ӧнерчиос. <…> Востэмесь, лякыт сямоесь но ужез гажасесь, соос данлыклы дышемын ӧвӧл. Но котькинлэсь зол сое заслужить каризы!
Удмуртиысь гурт возёсъя но сиён-юонъя министерстволэн пресс-службаез

Адӟытонысь куд-ог стендъёс элькунамы будосъёсты будэтон удыслэн азинскемез сярысь верало. Туэ бусы ужъёсты нуон вакыт капчи ӧй вал ке но, данъяськымон лыдпусъёс но вань. Кылсярысь, 2021-тӥ арын Удмуртия етӥнэз кизён музъемъёслэн быдӟалазыя Россиын нырысетӥ луиз, сое 6 сюрс 956 гектаре кизизы.

Туспуктэмъёсын адӟытон ар пумозь ужалоз. Нош ӟеч ю-нянь басьтэмъёсты 18-тӥ коньывуонэ, Гурт возёс удысын ужасьлэн нуналэз улсын, пусъёзы.

Тодэ вайытом, Удмуртиын гурт возёс удысын тыршисьёслы сӥзем нырысетӥзэ адӟытонэз 2020-тӥ арын радъязы вал. Соку Ижкарысь Шор площадьын пудо вордӥсьёслэсь, агрономъёслэсь, механизаторъёслэсь, скал кыскисьёслэсь – оглом 29 адямилэсь – туспуктэмъёссэс возьматӥзы



Наверх
Вниз