Ижкар-4 °C
5 -тӥ толсур 2021 Воскресенье
18+

Гурт возёс удысын ужасьёсты ӧнер нуналэнызы ӟечкылазы Удмуртиын

  • 294
  • 0
Ижкар / Удмуртия
Гурт возёс удысын ужасьёсты ӧнер нуналэнызы ӟечкылазы Удмуртиын
Туспуктэм: Руслан Нуриахметов

18-тӥ коньывуонэ Удмуртиын гурт возёс по переработка удысн ужасьёсты ӧнер нуналэнызы ӟечкылазы. Агропром огъетэз азинтонын тужгес усто тыршисьёсты кун но удысэт данъетъёсын пусйизы. Сӥё-дано ужрад онлайн амалэн ортчиз, ивортӥз элькунысь гурт возёсъя но сиён-юонъя министерстволэн пресс-службаез.

2021-тӥ ар капчи ӧй вал. Озьы ке но, асьме возёсъёс ваньбур поттонзэс будэтыны быгатӥзы. Азьпалан нырысетӥ миллион тоннамы (йӧл – ред.), оскисько, миллион тонна ю тысь но басьтыны тыршомы. Элькунысь ваньмызлы гурт возёс удысын ужасьёслы ӧнерзылы сюлэмзэс сётэмзы понна тау карисько
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Туннэ Удмуртия Россиын нырысетӥ инты басьтэ етӥн улэ висъя музъемъёслэн быдӟалазыя (7 сюрс гектар), ньылетӥ инты - одӥг улӥсьлы йӧл поттонъя (587,5 килограмм), витетӥ инты – нӧкы вӧй поттонъя (12,1 тонна), куатетӥ – юон йӧл поттонъя (202,7 сюрс тонна), укмысэтӥ – сыр но сыр выллем сиёнъёс лэсьтонъя но одӥг улӥсьлы курегпуз поттонъя (730 штука)

Элькунысь агропром огъетын валтӥсь инты басьтэ йӧл поттон, та удысын оглом 13 сюрс адями ужа. Удмурт йӧлэз быдэс Россиын, озьы ик Белоруссиын, Армениын, Казахстанын, Узбекистанын, Китайын но США-ын юо. Удыслэн ӵуказе нуналэз сярысь малпаськыса, ӧнерчиос кунын нырсетӥосыз пӧлын трос йӧл сётӥсь скалъёслэсь генетика банксэс кылдытыны кутскизы.

Гурт возёсын ужасьёслэн лыдзыя Удмуртия Россиысь агропром огъетын 14-тӥ инты басьтэ (5,1 процент)

Таяз арын 120 ужасьёслы «Удмуртиысь гурт возёс удысысь дано ужась» ним сётӥзы. «Россиысь агропром огъетысь дано ужась» ним Сарапул ёросысь «АгроНива» огазеяськонлэн быдэсъясь кивалтӥсез Андрей Глухов, Шаркан ёросысь «Кипун» огазеяськонысь пудо эмъясь фельдшер Нина Бутолина, Пичи Пурга ёросысь «Югдон» гурт возёсысь тракторист-машинист Иван Иванов басьтӥзы.

Ю-нянез утялтонъя вожвылъяськонын вормисьёсты Удмуртилэн тӧроезлэн таукоронъёсыныз пусйизы. Лымшор палан нырысетӥ инты басьтӥз Вавож ёрос, уйпалан – Эгра ёрос. Вераны кулэ, Вавож ёрос котыр ласянь азьмынӥсь луэ. 2021-тӥ ар кутсконысен тужгес трос йӧл кыскизы – 66 сюрс тонналэсь ятыр. Ӟеч выжыысь сюро таза пудоез вордонэн ньыль заводъёс но кык репродукторъёс выро. Ньыль возёсъёс ӟечлыко кидыс будэтон бордын ужало. Гурт возёс техниказэс 200 миллион манет тыр выльдӥзы. Ар пумозь ёросын 864 йырлы выль скал гид но пудо сиён дасян центр усьтозы.

Гурт возёсъёс пӧлын нырысетӥ интыосты басьтӥзы Глаз ёросысь «Чура», Алнаш ёросысь «Арбайка», Шаркан ёросысь «Кигбаево», Сарапул ёросысь «Русская нива» огазеяськонъёс. Фермеръёс пӧлын тужгес трос ю тысь жильдӥзы Шаркан ёросысь Н. В. Хохряковлэн но Ува ёросысь О. Л. Бадеринлэн возёсъёссы.

Удмуртиысь гуртоос «Золотая осень – 2021» огъяросси адӟытонын оглом 16 медаль басьтӥзы, тямысэз со пӧлысь – зарни.

Озьы ик элькун министерствоын пусйизы, 2017-2021 аръёсы гуртысь мерлыко удысэз азинтон понна федерал программаосты быдэсъян улсын ньыль коньдэтъёсысь 6,5 миллиард манет висъямын луоз

Тодэ вайытом, Удмуртиысь гурт возёсъёс вуоно тулыслы сюрс тонналэсь трос кидысъёс дасязы ни.



Наверх
Вниз