Ижкар-24 °C
6 -тӥ толсур 2021 Вордӥськон
18+

«Бусылэн нуналаз» Удмуртиын нырысьсэ возьматэмын луоз Белоруссилэн экспозициез

  • 515
  • 0
Дэри / Удмуртия
«Бусылэн нуналаз» Удмуртиын нырысьсэ возьматэмын луоз Белоруссилэн экспозициез
Туспуктэм: Михаил Шустов

18-тӥ пӧсьтолэзе Удмуртиысь Дэри ёросысь «Путь Ильича» возёсын «Бусылэн нуналэз» ортчоз. Отын нырысьсэ луоз Белоруссилэн экспозициез, ивортэ элькунысь гурт возёсъя но сиён-юонъя министерстволэн пресс-службаез.

Таяз арын ужрад куинь люкетлэсь луоз: адӟытон, техникаез ужын возьматон, котырес ӝӧкъёс. Адӟытонлэн ужаз Удмуртилэн тӧроез Александр Бречалов пыриськоз шуыса чакламын.

«Бусылэн нуналаз» Россиын но кунгож сьӧрын поттэм 80-лэсь трос устозэ гурт возёс техникаез но тӥрлыкез возьматозы. Бусыын пудо сиён дасян машинаослы «тест-драв» ортчытозы. Асьсэлэсь экспозицизэс Удмуртиысь, Татарстанысь, Киров но Нижний Новгород улосвылъёсысь 50 пала компаниос дасялозы.

Белоруссилэн экспозицияз «Брестсельмаш» огазеяськонлэн вузъёсынызы тодматскыны луоз. Бускель кунлэн делегацияз озьы ик пырозы Белоруссиысь тодосъя йӧскалык академиысь «Институт льна» тодосъя элькун предприятиысь, Визьбур асъетэз утёнъя «БелБренд» ассоциациысь, «Берестье» тепличной комбинатысь но «Бобруйскагромаш» огазеяськонысь топ-менеджеръёс.

Ужан программа улсын Шарканысь РТП но «Бобруйскагромаш» огазеяськон, «ЭГРА» но «Берестье» тепличной комбинатъёс куспын тупанкылъёс гожтыны чакламын.

Белоруссиысь куноосын ӵош етӥн будэтон удысэз азинтон луонлыкъёслы сӥзем котырес ӝӧк ортчоз. Удмуртиысь гурт возёсъёсысь валтӥсь ӧнерчиос понна будосъёсты утись суретъёсты кутон ужпумъя кенешон радъялозы.

«Бусылэн нуналэз» ужрадлэн радлыкеныз Удмуртиысь гурт возёсъя но сиён-юонъя министерстволэн сайтаз тодматскыны луоз.



Наверх
Вниз