Йӧл кысконзэс тужгес трослы будэтэм Россиысь вить улосвылъёс пӧлы пыриз Удмуртия

  • 330
  • 0
Ижкар / Удмуртия
Йӧл кысконзэс тужгес трослы будэтэм Россиысь вить улосвылъёс пӧлы пыриз Удмуртия
Туспуктэм: Григорий Фомин

Удмуртия йӧл поттонэз будэтонъя Россиысь вить тужгес устоосыз улосвылъёс пӧлы пыриз. Со сярысь Удмуртиысь Гурт возёсъя но сиён-юонъя министерстволэн «ВКонтакте» мерлыко вотэсысь огиназ ивортэмын.

Йӧл поттонэз тужгес трослы будэтӥзы Воронеж (46 сюрс 100 тонна ватсазы), Белгород (32 сюрс 700 тонна), Калуга (25 сюрс 500 тонна), Киров (21 сюрс 900 тонна) улосвылъёсысь, Удмуртиысь (18 сюрс 200 тонна) но Татарстанысь (16 сюрс 200 тонна) возёсъёс
Россиысь гурт возёсъя министерстволэн пресс-службаез

Россиысь гурт возёсъя министерстволэн ивортэмезъя, 2019-тӥ арлэн нырысетӥ палараз кунамы йӧл поттон, кылем арысь та дырен ӵошатыса, 209 сюрс тонналы йылӥз.

Огъя верано ке, кунысь вань категориысь возёсъёс 15 миллион 267 сюрс 700 тонна йӧл кыскизы. Со кылем арын сярысь 1,4 процентлы тросгес. Гурт возёсъёс йӧл поттонзэс 2,9 процентлы будэтӥзы, крестьян-фермер возёсъёс – 4,3 процентлы. 

Тодэ вайытом, туннэ Удмуртиын одӥг скаллэсь нуналаз 19 литр йӧл кыско, килограммзэ шорлыдын 22 манет 52 коньыен вузало.

Наши партнеры

Наверх
Вниз