Ижкар+18 °C
24 гудырикошкон 2019 Кӧснунал
16+

Мушкасьёслы, чорыг но кеч будэтӥсьёслы кун юрттэт сётыны кутскозы Удмуртиын

  • 494
  • 0
Ижкар / Удмуртия
Мушкасьёслы, чорыг но кеч будэтӥсьёслы кун юрттэт сётыны кутскозы Удмуртиын
Туспуктэм: Алексей Арзамасцев

Удмуртиысь мушкасьёс, чорыг, кеч но сӥльлы пудо вордӥсьёс 2020-тӥ арысен кун юрттэт басьтыны быгатозы. Со сярысь элькунысь гурт возёсъя но сиён-юонъя министерство бордын ужась Мер кенешлэн паськытатэм пумиськоназ тодмо луиз, ивортэ удысэтлэн пресс-службаез.

Кызьы  веразы кенешонын, элькунысь гурт возёслэн валтӥсез удысэз – йӧл поттон – туэ 4,6 процентлы будӥз. Кыскем йӧллан мындалаезъя Удмуртия Приволжск федерал округын кыкетӥ инты басьтӥз. Но, гурт возёсъя но сиён-юонъя министрлэн Ольга Абрамовалэн верамезъя, одӥг ввлтӥсь удыс улосвыллэн агропром огъетэзлэсь вань луонлыкъёссэ усьтыны уг сёты. 

Вуоно арын сӥльлы пудо вордон, чорыг будэтон, муш утён, йӧллы кеч вордон удысъёс Удмуртиысь гурт возёсэз азинтонъя кун программае нимаз подпрограммаен пырозы но юрттэт басьтозы. Со понна коньдэтысь ватсаса 140 миллион манет кулэ луоз
Удмуртиысь Гурт возёсъя но сиён-юонъя министерстволэн пресс-службаез

Муш, кеч, чорыг, сӥльлы пудо вордӥсьёслы кун юрттэт

4 фото

Озьы ик нимаз «Техническая технологическая модернизация, инновационное развитие» кун программа кылдоз. Со огзэ тужгес лэчыт ужпумез – гурт возёсъя техникаез выльдонэз – ӝоггес сэрттыны-пертчыны юрттоз.

Пусъём, 2019-тӥ ар кутсконысен Удмуртиысь гурт возёсъёс оглом 1 миллиард 100 миллион манет тыр 444 выль техника басьтӥзы. 

Тодэ вайытом, 9-10 гудырикошконэ Удмуртиын гурт возёс удысъя «Agro.Pro-2019» огъяросси фестиваль ортчоз, но куноосты Вотка ёросын интые Ижкарысь «СтройПорт» вузкарон центрлэн адӟытонъёсъя интывылаз возьмало. Гурт пудоез но тылобурдоез возьматон уз луы.  

Наши партнеры

Наверх
Вниз