Ижкар+18 °C
24 гудырикошкон 2019 Кӧснунал
16+

Ю тысь куасьтыны бадӟым огъет пуктӥзы Удмуртиысь Ува ёросын

  • 340
  • 0
Ува / Удмуртия
Ю тысь куасьтыны бадӟым огъет пуктӥзы Удмуртиысь Ува ёросын
Туспуктэм: vk.com (Минсельхоз УР)

Ува ёросысь «Дружба» возёсын ю тысь куасьтыны бадӟым огъет пуктӥзы. Со сярысь Удмуртиысь Гурт возёсъя но сиён-юонъя министерстволэн «ВКонтакет» мерлыко вотэсысь огиназ ивортэмын.

Тысё юосты утялтонъя зэмос завод. <…> Сыӵе заводъёс элькунамы ӧвӧл на, эшшо одӥг аспӧртэмлыкез – КЗС кизер эстӥськон но чагыр эстӥськон вылын ужаны быгатэ. Огъетлэн ог люкетэз кылем сезонын уже кутэмын ни вал. Ужын эскеремын ни кык шертон линиос, отын юосты сузяло но куасьто
Удмуртиысь Гурт возёсъя но сиён-юонъя министерстволэн пресс-службаез

Куасьтон линиос озьы ик кык луозы. Со час ӵоже 20 тонна ю тысез куасьтыны чакламын. Юослэн мускытлыксы ӧжыт луиз ке, одӥг смена ӵоже 100-120 тоннаозь но куасьтыны луоз.

Заводэз пуктон азьланьтӥське. Бадӟым лапас улэ юэз возён инты, тазатон цех, дась ю тысьлы складъёс интыяськозы, кулэ ӟечлыкозь вуттэм юэз мешокъёсын возёзы. Солэсь ог люкетсэ вузалозы – «Дружба» кидыс будэтӥсь возёсэн лыдъяське. 

Тодэ вайытом, 2019-тӥ арын тулыспалэ Вавож ёросын рапс кидысэз переработать каронъя нырысетӥ заводэз усьтӥзы.  

Наши партнеры

Наверх
Вниз