Ижкар+18 °C
24 гудырикошкон 2019 Кӧснунал
16+

Юосты утялтыны быгатымтэен сэрен шуэрес югдур ялыны быгатозы Удмуртиын

  • 205
  • 0
Ижкар / Удмуртия
Юосты утялтыны быгатымтэен сэрен шуэрес югдур ялыны быгатозы Удмуртиын
Туспуктэм: Григорий Фомин

Удмуртиын зоро куазь сэрен юосты ыштэмен валче шуэрес югдур ялыны быгатозы. Со сярысь улосвылысь Гурт возёсъя но сиён-юонъя министерстволэн пресс-службаез ивортэ.

Кылем арняе ёросъёсын видеокенешон ортчиз, ми шуэрес югдур ялыны луонлыкез эскеримы. Али Удмуртиысь Гидрометцентрен ужаськомы. <…> Куазь сэрен ю-нянез ыштон пумысен шуэрес югдур ялон гуртоослы федерал коньдэтысь ватсаса кун юрттэт басьтыны луонлык сётоз
Ольга Абрамова, Удмуртиысь гурт возёсъя но сиён-юонъя министр

Солэн кылъёсызъя, азьвыл аръёсын ӵошатыса, туэ ю тысь шӧдскымон ӧжыт луоз, нош пудоез толйытыны 600 сюрс тонна ю тысь кулэ.

Котькуд гурт возёслы ӝегатскытэк пумкылъян кутыны кулэ: яке ми тысьлэсь вуэмзэ возьмаса улӥськомы, нош куазез учконо ке, со уз вуы, яке ми ваньзэ зерносенаже понӥськомы, соку толалтэ пудолэн протеинэн узыр сиёнэз луоз
Ольга Абрамова, Удмуртиысь гурт возёсъя но сиён-юонъя министр

12-тӥ гудырикошконлы Удмуртиын 13-ез гинэ ёросъёс юосты араны потӥзы. Кылем арын та дырлы 39 сюрс гектар вылысь (чакламлэсь 11 процентэз) ю тысь кутсамын ке вал, туннэ 5 сюрс 300 гектарын (2 процентэз). Одӥг гектарысь шорлыдын 24 центнерен усе. (кылем арын – 23 центнер).

Нуналмысь зоръёс возёсъёслы бусыосы потыны уг сёто. Лымшор ёросъёсын юос вуэмын ни, куд-ог соосты интыын зор выдтӥз ни. Уйпал ёросъёсын тысё будосъёс вожесь на. 

Тодэ вайытом, Ува ёросысь «Дружба» возёсын ю тысь куасьтыны бадӟым огъет пуктӥзы.

Наши партнеры

Наверх
Вниз