Ижкар-1 °C
14 шуркынмон 2019 Покчиарня
16+

Удмуртиысь 45 фермер ӵектосъёс 116 миллион манет тыр грантъёс утӥзы

  • 951
  • 0
Ижкар / Удмуртия
Удмуртиысь 45 фермер ӵектосъёс 116 миллион манет тыр грантъёс утӥзы
Туспуктэм: vk.com (Минсельхоз УР)

Йӧскалык ӵектосъя «Агростартап» программа улсын грантъёс люкылонъя вожвылъяськонын Удмуртиысь 17 ёросъёсысь 45 фермер ӵектосъёс вормисе потӥзы. Соосты улонэ пыӵатон понна оглом 116 миллион манет висъяськоз, ивортэ элькунысьтымы гурт возёсъя но сиён-юонъя министерстволэн пресс-службаез.

Фермеръёслэн 45 ужбергатонъя ӵектосъёссы пӧлысь 37-ез выль фермер возёс кылдытонлы ӧръямын.

Тросэз грант басьтӥсьёс сӥль понна пудо вордонэн тунсыкъясько, сюро таза пудоез сюдыны но ош яке кунян сӥль поттыны малпало. Та ӧрын элькунысьтымы 20 фермеръёс азинскыны чаклало. Йӧл поттон понна кеч будэтонэн тунсыкъяськисьёс но ӧжыт ӧвӧл. Озьы ик элькунамы емыш будэтыны, кролик, ӟазег ферма кылдытыны, муш вордыны малпало

Тужгес трос ӵектосъёсс Дэри ёросын пыӵатэмын луозы – куать. Быдэн ньылен – Шаркан, Дэбес но Сарапул ёросъёсын, быдэн куинен – Эгра, Сьӧлта, Юкаменск но Пичи Пурга ёросъёсын. Пусйыны кулэ, ӟазег ферма Сьӧлта ёросын усьтозы, нош кролик Глаз ёросын будэтозы. 

Наши партнеры

Наверх
Вниз