Ижкар+3 °C
18 коньывуон 2019 Удмуртарня
16+

Гурт возёсысь ужпумъёсты эскеризы Александр Бречалов но Россиысь вице-премьер Алексей Гордеев

  • 730
  • 0
Москва / Россия
Гурт возёсысь ужпумъёсты эскеризы Александр Бречалов но Россиысь вице-премьер Алексей Гордеев
Туспуктэм: Удмуртиысь тӧролэн но кивалтэтлэн пресс-службазы

27-тӥ гудырикошконэ Москваын Удмуртилэн тӧроез Александр Бречалов но Россиысь кивалтэтын агропром огъетлэн кураторез, Россиысь вице-премьер Алексей Гордеев ваче пумиськонзы улсын гурт возёс удысысь ужпумъёсты эскеризы. Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Кивалтӥсьёс элькунамы гурт возёс удысэз азинтон, улосвыламы экспортэз йылэтон но 2020-тӥ арын гурт музъемъёсты оглом азинтонъя кун программаез улонэ пыӵатонэ пыриськон сярысь кенешизы

Александр Бречалов Алексей Гордеевлы элькунамы куазен сэрен шуэрес югдур ялэм но ыштонъёс пумысен ивортӥз. Со сяна шумпотымонзэ но пусйиз: Удмуртия Приволжск федерал округын йӧл кыскон лыдпусъёсъя азьпалан возиське. Йӧллы дунъёс но огсыр уло: гудырикошкон кутсконлы 1 килограмм йӧл, вытъёсты лыдэ басьтытэк, 22 манет 67 коньы дунъяське. 2018-тӥ арын та вакытэ ик дун 20 манет 96 коньы вал.

Озьы ик Удмуртилэн тӧроез шаермылэн вузъёссэ кунгож сьӧры келяны вань луонлыкъёсыз усьтэмын ӧвӧл на шуыса пусйиз. Тодэ вайытом, туэ экспортлы луыса ньыль но ӝыны миллион доллар поттыны чакламын. Со понна элькунмы мамык шортлы матын етӥн мертчанэз, чечы, пульдостурын вӧй, йӧл но солэсь сиён-юонъёсты, тылобурдо вордыса поттэм вузъёсты келяны малпа.

Туэ етӥнэнымы тунсыкъяськон трослы йылӥз, тужгес но Китай палась. Отысь ужъюртъёс мертчанмес трос лыдын басьтыны дась луэмзэс верало. Етӥн мертчанэз кунгож сьӧры келян «Экспорт продукции АПК» йӧскалык ӵектосэз улонэ пыӵатон улсын инвестициосты кысконъя огез тужгес бадӟым ӵектос луоз

Озьы ик улосэз азинтонлы со саклык висъялозы. Александр Бречаловлэн кылъёсызъя, элькунысьтымы вань ёросъёс комплексной застройкае пыриськозы. Мер ӵектосъёсты улонэ пыӵатон понна 9 миллиард 600 миллион манет висъяны чакламын. 

Наши партнеры

Наверх
Вниз