Ижкар-1 °C
14 шуркынмон 2019 Покчиарня
16+

Толэзьлы кемагес кыстӥськоз ю тысез утялтон Удмуртиын

  • 700
  • 0
Ижкар / Удмуртия
Толэзьлы кемагес кыстӥськоз ю тысез утялтон Удмуртиын
Туспуктэм: Григорий Фомин

Удмуртиын тысё юосты утялтон алама куазен сэрен куарусён пумозь кыстӥськоз. Со сярысь элькунысьтымы гурт возёсъя но сиён-юонъя министр Ольга Абрамова вераз.

Огсыр улонын юосты 25-тӥ яке 27-тӥ пӧсьтолэзе утялтыны кутско но 1-тӥ куарусёнэ йылпумъяло. <…> Валамон ини, вань юосты, малпасько, куарусён пумлы утялтомы
Ольга Абрамова, Удмуртиысь гурт возёсъя но сиён-юонъя министр

Туннэ нуналлы зоро куазен сэрен 26 процент тысё юос гинэ утялтэмын ай. Нош кылем арын та нуналлы ӝыныез урожай басьтэмын вал ини. Но со вакытэ ик туэ юослэн ӟечлыксы, 2018-тӥ арен ӵошатыса, вылӥынгес.

Югдур секыт ке но, тысё юосты гектарысь 25 центнер ӟечлыкен утялто, со кылем арынлэсь 5 центнерлы тросгес

Югдур пӧртэм. Кӧня ке нунал шундыё вал, но ваньзы кызьы быгатӥзы, мае быгатӥзы утялтӥзы. Утялтон понна гинэ. Озьы тысь 27 процент мускытлыкен вуиз, нош сое возён понна милемлы 16 процент мускытлык гинэ кулэ. Сотэк со ваньмыз ю кеносъёсын сисьмоз
Ольга Абрамова, Удмуртиысь гурт возёсъя но сиён-юонъя министр

Тодэ вайытом, Александр Бречалов Россиысь вице-премьерен Алексей Гордеевен гурт возёс ужпумъёсъя кенешиз

Наши партнеры

Наверх
Вниз