Ижкар+5 °C
21 куарусён 2019 Кӧснунал
16+

40 процентэз тысё юос утялтэмын Удмуртиын 2-тӥ куарусёнлы

  • 517
  • 0
Ижкар / Удмуртия
40 процентэз тысё юос утялтэмын Удмуртиын 2-тӥ куарусёнлы
Туспуктэм: Григорий Фомин

2-тӥ куарусёнлы Удмуртиын тысё юос 135,8 гектар вылысь утялтэмын, со чакламлэсь 40 процентэз луэ, ивортэ элькунысь Гурт возёсъя но сиён-юонъя министерстволэн пресс-службаез.

Куазь секыт ке но, урожай туэ кылем арын сярысь тросгес люкаське. Шаерамы котькуд гектарысь шорлыдын 25 центнер потэ, 2018-тӥ арын 20,9 люкаськиз. Таин валче 308,8 сюрс тона ю кутсамын ни. Тужгес трос урожай басьто Вавож ёросын - котькуд гектарысь 36,6 центнер. Озьы ик шумпотымон лыдпусъёс Можга ёросын - 29,9 но Дэри ёросын - 28,2. Тужгес ӧжыт урожай люкаське Якшур-Бӧдья ёросын - 13,5, Камбаркаын - 14,8, Кизнерын - 15,6
Удмуртиысь гурт возёсъя но сиён-юонъя министерстволэн пресс-службаез

Берло нуналъёсы куазь ӟечгес ужаны луонлык сётэ. Но куд-ог ёросъёсын трос ыштонъёс пусъемын. Кез ёросын 85 процентэз урожайзы быремын, Эгра ёросын - 59 процентэз, Балезино ёросын - 52 процентэз.

Бусыосы дэриен пырыны быгатымтэен валче гуртоос гусеничной комбайнъёсын ужамзэс тодазы вайизы.

Балезино ёросын куинь гусеничной комбайн басьтӥзы. Гуртоос пусъемъя, 30-35 ар талэсь азьвыл ёросын сыӵе комбайнъёсын быдэс автопарк возизы. Кык сыӵе тракторъёссэ арлы быдэ бусые поттэ «Сергинский» СПК. Гусеничной трактор угось котькытчы пырыны быгатэ, колея уг кылдыты, музъемлы но сокем секыт ӧвӧл. Тае туэ эскероно кариськиз Эгра ёросысь фермер Александр Корепанов но
Удмуртиысь гурт возёсъя но сиён-юонъя министерстволэн пресс-службаез

Наши партнеры

Наверх
Вниз