Ижкар+5 °C
21 куарусён 2019 Кӧснунал
16+

Тросгес йӧл кыскон но ватсаса ужан интыос: выль пудо гид усьтӥзы Удмуртиын

  • 416
  • 0
Пазял / Удмуртия
Тросгес йӧл кыскон но ватсаса ужан интыос: выль пудо гид усьтӥзы Удмуртиын
Туспуктэм: Елена Перевощикова

Можга ёросысь Пазял гуртын 5-тӥ куарусёнэ роботъёсын ужась фермаез усьтӥзы. 400 пудолы гидэз «Родина» огазеяськон пуктӥз.

Скалъёсты отын думытэк возёзы, кыскон залэ Израильын поттэм тӥрлык пуктэмын. Пудолы сиён нимысьтыз робот дасялоз. Со Удмуртиын кыкетӥез гинэ.

Котькуд ферма ми понна – праздник. <…> Таӵе юн возёсъёслы луыса Можга ёрос Удмурт Элькунын одӥгез устоез
Ольга Абрамова, Удмуртиысь гурт возёсъя но сиён-юонъя министр

Пазялысь выль гидэ пудоез 6-тӥ куарусёнэ пыртозы.

Можга ёросысь выль пудо гинэ усьтон

5 фото

Выль фермаез уже кутон йӧл кысконэз будэтыны но пудо утӥсьёслэсь ужзэс капчиятыны луонлык сётоз. Со сяна, ватсаса сизьым ужан интыос кылдытозы, нош йӧл поттон 2 сюрс 680 тоннаозь вуоз.

Выль ферма пуктыны асьмелэсь 50 миллион манетлэсь трос коньдонмес быдтӥмы. Кредит ӧм басьялэ. Лэсьтӥськон кык ар мынӥз
Пётр Санников, «Родина» огазеяськонлэн кивалтӥсез

Гидэ ужан тӥрлык лэсьтӥськонэз кутскемлэсь азьвыл ик басьтӥзы. Азьланяз вузпӧрез паськытатыны но тросгес йӧл кыскыны чаклало. 2019-тӥ арын «Сарапул-молоко» огазеяськонэн быдэс арлы огкыл юнматӥзы. Йӧлзэс 23 манет 50 коньыен вузало (вытъёсты лыдэ басьтытэк).

Али «Родина» огазеяськонын 1 сюрс 900 йыр сюро таза пудозы. Кысконо скалъёс – 808 йыр

Ваньбур поттонзы арысь аре йылэ. 2014-тӥ оглом 2 сюрс 541 тонна йӧл кыскизы вал, котькуд скаллэсь шорлыдын 3 сюрс 497 килограмм басьтӥзы. Кылем арын 5 сюрс 360 тонна йӧл поттӥзы, одӥг скал шорлыдын 6 сюрс 700 килограмм сётӥз. Возёс понна со выль рекорд.

Туннэ огазеяськонын 1 сюрс 700 адями тырше. Котькуд ужасьлы ю тысь, турын, куро сёто.

Возёсын техниказэс выльдон сярысь но сюлмасько. Берло аръёсы ю тысь но пудо сиён утялтон комбайнъёс, трактор басьтӥзы.

Пусъём, 2019-тӥ арын элькунын сизьыметӥзэ выль фермаез усьтӥзы ни. Министрлэн верамезъя, ар пумозь Удмуртиын 8 сюрс пала пудо йырлы гидъёс пуктозы.

Можга ёросын ньыль ферма усьтыны малпало.

Оглом 15 процентэз скал уллё коркапыронэз пусъёз – со 1 сюрс 350 йыр
Александр Васильев, Можга ёрослэн тӧроез

Тодэ вайытом, азьвылгес Можга ёросысь «Родина» огазеяськонлэн кивалтӥсез Пётр Санников «Росси Федерациысь устоез кивалтӥсь» вожвылъяськонын вормисе потӥз.

Наши партнеры

Наверх
Вниз