Ижкар+22 °C
8 -тӥ гудырикошкон 2020 Кӧснунал
16+

Удмуртия агропром удысъя «Зарни сӥзьыл» росси адӟытонэ пыриськоз

  • 290
  • 0
Москва / Россия
Удмуртия агропром удысъя «Зарни сӥзьыл» росси адӟытонэ пыриськоз
Туспуктэм: Руслан Нуриахметов

Удмуртия Москваысь ВДНХ-ын «Зарни сӥзьыл» («Золотая осень») росси агропром адӟытонэ пыриськоз. Со сярысь элькунысьтымы гурт возёсъя министерстволэн пресс-службаез ивортэ.

20 ар ӵоже радъяськись бадӟым агрофорумын элькунмы нырысьсэ аслэсьтыз огазеям адӟытонзэ возьматоз. Ужрадэз сӥё-дано усьтон нуналэ, 9-тӥ коньывуонэ, Удмуртиысь агропромен улосвыллэн тӧроез Александр Бречалов тодматоз

Удмурт Элькунлэн стендаз улосвылмес сиён-юонэн тырмытӥсь но вузъёссэс кунгож сьӧры продукцизэс келяны малпаськись азьветлӥсь агропредприятиослэн берло азинсконъёсынызы тодматскыны луоз. Соос пӧлын «Агропромышленный парк «Инновация» («Люллинский мясокомбинат» но «Киясовские пельмени»), «Родная любава» вузкарон марка («Молочные фирмы»), «Био-терра», озьы ик «Удмуртпотребсоюз» но пӧйшуръёсты вордӥсь «Кизнерское» возёс.

Со сяна, Удмуртиысь тужгес бадӟымез агрохолдинг йӧллэсь сиён-юонзэ Горд площадьын возьматоз. Отын 4-13 коньывуонэ сиён-юонъя «Зарни сӥзьыл» йӧскалык фестиваль ортчоз.

ВАТСАН

«Зарни сӥзьыл» - ужрад, кудаз Удмуртилэн агропром огъетысьтыз предприятиосысь но огазеяськонъёсысь кивалтӥсьёс но ӧнерчиос арлы быдэ вуыло. Со улсын котырес ӝӧкъёсы но кенешонъёсы пырисько, мукет улосвылъёслэн азинсконъёсынызы тодматско, ужъя выль кусыпъёс кылдыто, Кремльысь кун двореце концертэ вуыло. Туннэ нуналлы пыриськыны дась луэмзэс 50 адями юнматӥз ини.


Наверх
Вниз