100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Зоро куазь шоры учкытэк 43 сюрс тонналы тросгес ю тысь октӥзы Удмуртиын

  • 373
  • 0
Ижкар / Удмуртия
Зоро куазь шоры учкытэк 43 сюрс тонналы тросгес ю тысь октӥзы Удмуртиын
Туспуктэм: Григорий Фомин

2019-тӥ арын Удмуртиын 672 сюрс 900 тонна ю тысь октӥзы. Кылем арен ӵошатыса, со 43 сюрс тонналы тросгес (629,8 сюрс тонна). Гурт возёсын ужасьёслэсь ӧнер нуналзэс пусъёнын лыдпусъёсты элькунысь гурт возёсъя но сиён поттонъя министр Ольга Абрамова вераз.

Таиз ар асьме понна капчи ӧй вал. <…> Кышкан вал, тырмыт ю тысь люканы ум быгатэ шуыса. Но гуртоос быгатӥзы, эшшо ке кылем арынлэсь тросгес басьтӥзы
Ольга Абрамова, Удмуртиысь гурт возёсъя но сиён-юонъя министр

Таяз арын тужгес трос ю тысь бичазы:

- лымшор ёросъёсын: Можга – 80,8 сюрс тонна, Алнаш – 68,7 сюрс тонна, Вавож – 63 сюрс тонна;

- уйпал ёросъёсын: Шаркан – 40 сюрс тонна, Балезино – 20,7 сюрс тонна, Юкаменск – 18,8 сюрс тонна.

Элькунъя одӥг гектарысь шорлыдын 24,5 центрен ю тысь басьтӥзы, кылем арын 20,6 центнер вал.

Ю-няньлэн удалтонлыкезъя азьмынӥсьёс:

- лымшор ёросъёс пӧлын: Вавож -32,2 центнер, Грак - 25,1 центнер, Алнаш – 24,9 центнер;

- уйпал ёросъёс пӧлын: Шаркан – 21,6 центнер, Эгра – 17,2 центнер, Яр – 16,3 центнер.

Тодэ вайытом, музъемлэн бадӟым мускытлыкеныз сэрен 15-тӥ гудырикошконысен Удмуртиын шуэрес югдур ялӥзы. Элькунысь гурт возёсъя но сиён-юонъя министрлэн Ольга Абрамовалэн азьвылгес верамезъя, ыштонъёс 738 миллион манет тыр пусъемын вал. Россиысь гурт возёсъя министерствоын 420 миллион манетэз зэматӥзы. Улосвыл министр солэсь ӝынызэ басьтыны оскемзэ вераз.



Наверх
Вниз