Ижкар+2 °C
28 -тӥ коньывуон 2021 Покчиарня
18+

Ӧжытэзтэк кык миллиард манет тыр выль техника басьтӥзы туэ Удмуртиысь гурт возёсъёсы

  • 776
  • 0
Ижкар / Удмуртия
Ӧжытэзтэк кык миллиард манет тыр выль техника басьтӥзы туэ Удмуртиысь гурт возёсъёсы
Туспуктэм: Григорий Фомин

Удмуртиысь агропром огъетлэн машинаосын но тракторъёсын паркез выльдӥське – 2019-тӥ ар кутсконысен элькунысьтымы гурт возёсъёсы оглом 1 миллиард 830 миллион манет тыр 170-лэсь трос машинаос но тӥрлык басьтӥзы. Со сярысь Удмуртиысь гурт возёсъя но сиён-юонъя министерство ивортэ.

Туэ бусыосы 110 выль тракторъёс,  ю тысь утялтон 26 но пудо сиён дасян 32 комбайнъёс потӥзы. Гуртоослы техника басьтыны кутэм уксёзылэсь ог люкетсэ берыктон понна элькун коньдэтысь 101 миллион 300 сюрс манет висъязы, туннэ нуналлы субсидиос басьтӥсьёс кие вуэмын ини

Та дыре гурт возёсъёсын ю тысь утялтонын ӵемгес куто «Вектор» комбайнъёсты вӧлмемын, соос ваньмыз пӧлысь 37 процент луо. Нош пудо сиён дасян бордын кема аръёс ӵоже ини «ДОН» комбайнъёс тросгес тыршо – 32 процент. 

Гурт возёсъёслэн паркъёсысьтызы 95 процентэз техника кунамы поттэмын

1-тӥ коньывуонлы чакласа, паркын 5 сюрс 400 тракторъёс, пудо сиён утялтӥсь 581 но ю тысь утялтӥсь 871 комбайнъёс но мукет техника лыдъяське. Озьы ке но, элькунмыя чакласа, 100 гектар кизёно музъемъёс вылэ 117 вал кужым гинэ усе (ӵошатон понна: Россиын 100 гектар вылэ 150 вал кужым усе).

Удмуртиысь гурт возёсъя но сиён-юонъя министерствоысь ӧнерчиослэн пусъемзыя, кунъя лыдпусъёс дорозь вуттӥськон понна 3 сюрс 602 тракторъёс, ю тысь утялтӥсь 350 но пудо сиён утялтӥсь 190 комбайнъёс басьтоно. Со 10 арлэсь кема уже кутӥськись техникаез лыдэ басьтыса верамын. Нош сыӵеосыз элькунамы 60 процент луо. 

Тодэ вайытом, 2019-тӥ арын Удмуртиын 672 сюрс 900 тонна ю тысь октӥзы. Кылем арен ӵошатыса, со 43 сюрс тонналы тросгес.



Наверх
Вниз