Ижкар+22 °C
11 -тӥ пӧсьтолэзь 2020 Кӧснунал
16+

Йӧл кысконэз будэтонъя куинь азьмынӥсь улосвылъёс пӧлы пыриз Удмуртия

  • 528
  • 0
Ижкар / Удмуртия
Йӧл кысконэз будэтонъя куинь азьмынӥсь улосвылъёс пӧлы пыриз Удмуртия
Туспуктэм: Григорий Фомин

Туэ толшорысен куарусёнозь йыл кысконэз будэтонъя Удмуртия Россиысь куинь азьмынӥсь улосвылъёс пӧлы пыриз. Элькунэз Воронеж но Киров улосвылъёс гинэ азьпалтӥзы. Со сяна, кыскем йӧллэн быдӟалаезъя улосвыл ньылетӥ инты басьтӥз. Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Удмуртиын йӧл кыскон 7,4 процентлы будӥз
Удмуртиысь гурт возёсъя но сиён-юонъя министерстволэн пресс-службаез

Укмыс толэзь ӵоже элькунысь гурт но фермер возёсъёсын 633 сюрс 500 тонна йӧл кыскизы. Кылем арысь та вакытэн ӵошатыса, со 44 сюрс тонналы тросгес.

Йӧл кыскон удысын азьмынӥсьёс: Вавож ёрос – 50 сюрс 900 тонна, Шаркан ёрос – 48 сюрс 400 тонна, Можга ёрос – 40 сюрс 400 тонна, Алнаш ёрос- 39 сюрс 200 тонна, Балезино ёрос – 37 сюрс 600 тонна.

Шаркан ёросын одӥг скаллэсь шорлыдын 6 сюрс 703 килограмм йӧл кыскизы ни, вавожъёс – 6 сюрс 589 килограмм. Элькунъя шоро-куспо лыдпус – 5 сюрс 453 килограмм

Со сяна, фермер возёсъёс скал уллёзэс 460 йырлы будэтӥзы. Со дыре ик гурт возёсъёсын скалъёслэн лыдзы 1 процентлы кулэсмиз.

Йӧлэз басьтон дунъёс огсыр возисько. Туннэ возёсъёс сое 23 манет 62 коньыен вузало (НДС-тэк). Кылем арын та дыре ик одӥг килограммзэ шорлыдын 22 манет 99 коньыен вузало вал. 



Наверх
Вниз