Ижкар+11 °C
22 -тӥ куарусён 2020 Пуксён
18+

Фермеръёслы грантъёслэн быдӟалазы будоз 2020-тӥ арын Удмуртиын

  • 617
  • 0
Ижкар / Удмуртия
Фермеръёслы грантъёслэн быдӟалазы будоз 2020-тӥ арын Удмуртиын
Туспуктэм: Руслан Нуриахметов

2020-тӥ арын Удмуртиысь фермеръёслы грантъёслэн быдӟалазы будоз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Тужгес шумпотымонэз, дыр, - табере тужгес бадӟымезлэн грантлэн быдӟалаез 5 миллион манет луоз (кылем арын 3 миллион манет вал). Сое кутскись фермеръёс но, йӧл яке сӥль поттон понна пудо вордыны чаклась агростартапъёс но басьтыны быгатозы
Удмуртиысь гурт возёсъя но сиён-юонъя министерстволэн пресс-службаез

Озьы ик гурт возёсын мукет ужъёсты нуисьёс понна но грантъёс будозы. Кылем арын соос 1 но ӝыны миллион манетозь басьтыны быгатӥзы ке, туэ 3 миллион манетозь.

2020-тӥ арын «Семейные животноводческие фермы» но «Начинающий фермер» ӧръёсъя 10 грантъёс сётозы, «Агростартап» ӧръя – 33. Со сяна, гурт кооперативъёслэсь ужан тӥрлыксэс выльдон понна кык грант висъялозы.

Фермеръёслы юрттонъя но гурт кооперативъёсты азинтонъя йӧскалык ӵектос улсын оглом 120 миллион манет висъялозы, со пӧлысь 89 миллион манетсэ – агростартапъёслы юрттэтлы

Чакламъя, фермеръёслы но гурт кооперативъёслы грант сётонъя улосвыл валатэтэз (положение) тулыспалэ соглаштозы но юнматозы. Южтолэзе ини гурт возёсъя но сиён-юонъя министерство грант басьтыны мылкыд карисьёс пӧлын быръён вожвылъяськон ортчытоз.

 


Наверх
Вниз