Ижкар-3 °C
24 -тӥ тулыспал 2020 Вордӥськон
16+

8 процентлы тросгес йӧл кыскизы Удмуртиын 2019-тӥ арын

  • 548
  • 0
Ижкар / Удмуртия
8 процентлы тросгес йӧл кыскизы Удмуртиын 2019-тӥ арын
Туспуктэм: Григорий Фомин

Удмуртиысь гурт но фермер возёсъёс 2019-тӥ арын 758 сюрс 900 тонна йӧл кыскизы. 2018-тӥ арен ӵошатыса, со 57 сюрс 200 тонналы яке 8,2 процентлы тросгес. Со сярысь элькунысь гурт возёсъя но сиён-юонъя министерстволэн пресс-службаез ивортэ.

2018-тӥ арын йӧл поттон 2,9 процентлы будӥз вал

Озьы ик возёсъёс йӧллэсь ӟечлыксэ но будэтыны быгатӥзы, соин валче вузам йӧллэн мындалаез 89 процентысь 91,1 процентозь йылӥз.

Кылем арын тужгес трос йӧл кыскизы Вавож ёросын – 67 сюрс 800 тонна. Озьы ик куинь азьмынӥсь ёросъёс пӧлы пыризы Шаркан (64,4 сюрс тонна) но Можга (53 сюрс тонна). Со дыре ик йӧл поттонзэс тужгес шӧдскымон будэтӥзы Каракулино (20,3 процентлы), Якшур-Бӧдья (19,8 процентлы) но Юкаменск (18,8 процентлы) ёросъёс.

Гурт но фермер возёсъёс котькуд скаллэсь шорлыдын 6 сюрс 508 килограмм йӧл басьтӥзы. 2018-тӥ арын сярысь со 7,7 процентлы тросгес.

Тужгес азинлыко скал уллёзы Шаркан ёросын – отын котькуд скаллэсь шорлыдын 7 сюрс 981 килограмм йӧл кыскизы

Туннэ элькунысь возёсъёс нуналаз скаллы быдэ 18,1 килограмм йӧл потто.

Тодэ вайытом, кылем арын Глаз ёросысь куинез гурт возёсъёс котькуд скаллэсь 9 сюрс килограммлэсь трос йӧл кыскизы.   

Наши партнеры

Наверх
Вниз