100 лет государственности Удмуртии
Ижкар+7 °C
4 -тӥ оштолэзь 2020 Кӧснунал
16+

120 адями куриськон гожтӥз Удмуртиын «Мон - фермер» дышетскон программае пыриськыны

  • 737
  • 0
Ижкар / Удмуртия
120 адями куриськон гожтӥз Удмуртиын «Мон - фермер» дышетскон программае пыриськыны
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын кутскись фермеръёс но гурт кооператоръёс понна «Мон - фермер» («Я - фермер») дышетон программае пыриськыны 120 адями мылкыд кариз ини. Тужгес трос куриськонъёс Дэри но Ува ёросъёсысь вуизы, ивортэ элькунысь гурт возёсъя но сиён-юонъя министерстволэн пресс-службаез.

Дышетскон 20-тӥ тулыспалэ кутскоз но 27-тӥ южтолэзёзь кыстӥськоз

2020-тӥ арын гурт возёс акселераторе куриськонъёсты Удмуртиысь гурт возёсъя но сиён-юонъя министерство бордысь Консультациосъя центр кутэ. Электрон амалэн вотэсбамын гожтӥськыны луэ. Юанъёсын +7 (3412) 902-830 телефонъя вазиськоно.

12 семинаръёс ӵоже агростартапъёс гурт возёс удысын ӵектосъёсэс азинлыко пыӵатон ласянь визь-кенеш басьтозы, ужбергатонлэсь эрикрадъёссэ тодозы но кооперативен кивалтыны дышетскозы. Занятиосын кутскись инвесторъёслэсь ӵем пумиськись янгышъёссэс эскерозы но Воронежысь ужъюлтошъёссылэн крестьян-фермер возёсэз радъянъя тодон-валанэнызы тодматскозы. Озьы ик удысэз азинтонын туала амалъёсты нимаз эскерозы: цифровизациез, агрострахованиез, шыръяны валса ваньбур поттонэз но мукет.

Программаен пыр-почгес тодматскыны министерстволэн нимлыко вотэсбамаз луэ.

Со сяна, котькуд дышетскись грантъёсъя «Агростартап» вожвылъяськонэ пыриськыны куриськон сётыны быгатоз. Сое 2019-тӥ арысен Россилэн азьмуртэныз Владимир Путинэн кичӧлтэм фермерствоез но гурт возёс кооперациез азинтонъя йӧскалык ӵектос улсын Удмуртиысь гурт возёсъя но сиён-юонъя министерство ортчытэ.

2020-тӥ арын со ужпумъёслы 120 миллион манет висъялозы. Грант юрттэтлы луыса элькунамы 36 выль фермер возёсъёс но гурт кооперативъёс усьтӥськыны кулэ

2019-тӥ арын грант басьтон понна вожвылъяськонэ Удмуртиысь фермеръёслэсь 116 куриськонъёс вуизы. 46-езлы оглом 116 миллион 500 сюрс манет тыр грантъёс сётӥзы. Озьы ик 34 миллион 200 сюрс манет гурт возёс кооперациез азинтыны висъязы. Выль 37 возёсъёс усьтӥськизы, калыклы 86 уж инты кылдӥз. Вормисьёс ужбергатон ӵектосъёссэс туннэ но улонэ пыӵато: сӥльлы но йӧл поттыны сюро таза будо басьто, музъемен ужаны, пудо сиён дасяны техника ваё. Пусъем, 2020-тӥ арын Удмуртиысь фермеръёслы грантъёслэн быдӟалазы будоз

Тодэ вайытом, Удмуртия нырысьсэ «Я - фермер» гурт возёс акселераторез 2019-тӥ арын ортчытӥз



Наверх
Вниз