Ижкар-3 °C
24 -тӥ тулыспал 2020 Вордӥськон
16+

Сиён-юон поттон ӧжытэзтэк 4 процентлы будӥз Удмуртиын

  • 357
  • 0
Ижкар / Удмуртия
Сиён-юон поттон ӧжытэзтэк 4 процентлы будӥз Удмуртиын
Туспуктэм: Руслан Нуриахметов

2019-тӥ арын Удмуртиын сиён-юон поттон 3,9 процентлы, юонъёсты – 3,1 процентлы будӥз. Со сярысь элькунысь гурт возёсъя но сиён-юон поттонъя министерстволэн пресс-службаез ивортэ.

Куд-ог сиёнъёсты поттон тужгес но трослы будӥз. Кылсярысь, сӥльлэсь консерваос 68 процентлы тросгес лэсьтӥзы, ӵынатэм чорыг – 50,6 процентлы. Озьы ик сӥльлэсь полуфабрикатъёс, кема возьыны дасям чорыг, ческыт сиёнъёс, кеньыръёс, нянь шӧдскымон тросгес поттӥзы.

Кылем арын 9 толэзь ӵоже сиён-юонъёсты поттон удысэ инвестициослы быдӟалазы 1 миллиард 780 миллион манет луиз. 2018-тӥ арысь та вакытэн ик ӵошатыса, со 210 процентлы тросгес

Туннэ элькунын 350 пала предприятиос сиён-юон потто, со пӧлын бадӟымъёсыз но, нимаз адямиосын радъям вузпӧръёс но. Со валтӥсь сиёнъёслы кулэяськонэз быдэсак тырмытыны луонлык сётэ.

Озьы йӧллы но солэсь сиён-юонъёслы кулэяськонэз Удмуртия 48,1 процентлы ачиз тырмытэ, курегпузъя – 206 процентлы, бакча сиёнъёсъя – 11,9 процентлы.

Одӥг адямилы лыдъяса, Удмуртиын араз 470 килограмм йӧл потто (Россиын – 223 килограмм), сӥль – 110 килограмм (81 килограмм), курегпуз – 592 штука (294 штука)

Вузпӧрез будэтон 2020-тӥ арын но луоз шуыса чаклало. Матысь куинь аръёсы Удмуртиысь гурт возёс удысын ваньбур поттӥсьёс но сиён-юон лэсьтӥсь предприятиос оглом 22 миллиард манет тыр 110-лэсь трос инвестици ӵектосъёсты улонэ пыӵатыны малпало. Та дыре 68-эз ӵектосъёс быдэсъясько ни, отчы 2019-тӥ арлэн нырысетӥ палараз 476 миллион 700 сюрс манет коньдон кутӥзы. Ӵектосъёсты улонэ пыӵатон удысын 800 выль ужан интыос кылдытыны луонлык сётоз.

Тодэ вайытом, кылем арын 758 сюрс 900 тонна йӧл кыскизы. азьвыл арен ӵошатыса, со 8,2 процентлы тросгес. Сӥльлы пудо вордонэз 2030-тӥ арозь 11 поллы йылэтыны чаклало

Наши партнеры

Наверх
Вниз