100 лет государственности Удмуртии
Ижкар+1 °C
5 -тӥ оштолэзь 2020 Воскресенье
16+

Агропром огъетэз азинтыны 2 миллиард манетлэсь трос коньдон висъялозы Удмуртиын 2020-тӥ арын

  • 1255
  • 0
Ижкар / Удмуртия
Агропром огъетэз азинтыны 2 миллиард манетлэсь трос коньдон висъялозы Удмуртиын 2020-тӥ арын
Туспуктэм: Руслан Нуриахметов

Удмуртиысь гурт возёсын ваньбур поттӥсьёслы кун юрттэт сётон понна таяз арын федерал но улосвыл коньдэтъёсысь 2 миллиард 200 миллион манет чакламын. Со 2019-тӥ арын мында ик, ивортэ элькунысь гурт возёсъя но сиён-поттонъя министерстволэн пресс-службаез.

Субсидиос кык пӧртэм луозы – компенсировать карон но мылкыд сётон (стимулировать карон). Нырысетӥез ужась предприятиосты азинтон понна сётӥське, кыкетӥез – улосвылэн быръем валтӥсь ӧръёсты ӝутон понна. Озьы ик выль юрттэт но чакламын. Соос сярысь Удмуртилэн Кунысьтыз агропром огъетъя, музъем кусыпъёсъя, инкуазь узырлыкез кутонъя но инкуазез утёнъя ялан ужась ӧрилэн паськытатэм кенешоназ элькунысь гурт возёсъя но сиён-юонъя министр Ольга Абрамова вераз.

Выль амалъёс пӧлы пыро «йӧл» субсидиос но. Бадӟыматэм коэффициентлы оскыны быгато котькуд скаллэсь 5 сюрс килограммлэсь трос йӧл кыскем возёсъёс. Со сяна, ватсаса коньдон басьтозы йӧл поттонзэс ялан будэтыны быгатӥсь гурт предприятиос.

Йӧл поттон удыслы юрттэт туэ ӧжытэзтэк 27 миллион манетлы йылоз – 775 миллион 300 сюрс манетозь (2019-тӥ арын 748 миллион 500 сюрс манет вал). Гуртоослы чаклам юрттэт пӧлысь со огез бадӟымез луоз

Выль гидъёс пуктыны, вужъёссэ тупатъяны, туала йӧл кыскон тӥрлык басьтыны 150 миллион 600 сюрс манет чакламын (кылем арын 94 миллион 200 сюрс манет вал).

Туэ етӥн будэтӥсь предприятиослы но юрттэт вуоз – ужпӧрзэс (производство) но техниказэс выльдыны 10 миллион манет висъяськоз.

Нырысьсэ субсидиос пудоез сӥльлы будэтӥсьёслы чакламын – 2 миллион 500 сюрс манет. Ӟеч выжыысь пудо басьтӥсьёслы 79 миллион манет юрттэт вуоз. Озьы ик нырысьсэ экспортлы ужась предприятиос но гурт возёслы ӧнерчиосты дасясь училищеос коньдон басьтозы.

Субсидиосты басьтон понна ужкагазъёсты министерствоын южтолэзь пумын кутыны ӧдъялозы. Озьыен, таяз арын нырысетӥез юрттэт возёсъёсы тулыс бусы ужъёс кутскон азьын вуоз ни.

Тодэ вайытом, 2019-тӥ арын Удмуртиысь гурт но фермер возёсъёс 758 сюрс 900 тонна йӧл кыскизы. Валля арен ӵошатыса, со 8,2 процентлы тросгес. Сӥльлы пудо вордонэз 2030-тӥ арозь 11 поллы йылэтыны чаклало



Наверх
Вниз