Ижкар-3 °C
24 -тӥ тулыспал 2020 Вордӥськон
16+

Йӧл поттон удыс ог 5 процентлы азинскиз ар кутсконысен Удмуртиын

  • 275
  • 0
Ижкар / Удмуртия
Йӧл поттон удыс ог 5 процентлы азинскиз ар кутсконысен Удмуртиын
Туспуктэм: Григорий Фомин

Удмуртиын йӧл поттон удыс 2020-тӥ арын толшорлы йылпумъянъёсъя 4,8 процентлы азинскиз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Гурт возёсъёс но фермер возёсъёс 65 сюрс тонна йӧл кыскизы. Кылем арысь толшорен ӵошатыса, со 3 сюрс тонналы тросгес. Йӧллэсь вузъёс поттӥсь предприятиосы арлэн нырысетӥ толэзез ӵоже 60 сюрс тонна йӧл вуттӥзы (2019-тӥ арын толшоре 6,9 процентлы ӧжытгес вал). Вань кыскем йӧл пӧлысь 92 процентэз вузаны яраз (кылем арынлэсь 1,6 процентлы тросгес).

50 процентлэсь тросэз йӧл элькунысь вить ёросъёсын поттэмын. Азьло сямен ик котькинэ Вавож ёрос азьпалтэ, толшоре отын 6 сюрс тонна йӧл кыскизы. Ужпӧрзы 12 процентлы будӥз.

Та дыре элькунамы котькуд скаллэсь шорлыдын 18,5 килограмм йӧл кыско, кылем арын та нуналлы 17,1 килограмм потэ вал. 

Тодэ вайытом, Удмуртиысь гурт возёсын ваньбур поттӥсьёслы кун юрттэт сётон понна таяз арын федерал но улосвыл коньдэтъёсысь 2 миллиард 200 миллион манет висъялозы.

Наши партнеры

Наверх
Вниз