100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Скал кыскись роботэн витетӥзэ фермаез пукто Удмуртиын

  • 416
  • 0
Грак / Удмуртия
Скал кыскись роботэн витетӥзэ фермаез пукто Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын скал кыскись роботэн витетӥзэ фермаез пукто. Туэ кыкетӥ паларын выль гидэз Грак ёросысь «Вылнуд» огазеяськонын усьтозы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Выль ферма 280 скаллы чакламын, соосты ньыль роботъёс кыскозы. Гидын ньыль адями ужалоз

Али «Вылнудын» 864 йыр сюро таза пудозы, скалъёссы - 380. Огазеяськонын йӧл кысконзэс арлы быдэ будэто. Кылем арын, 2018-тӥ арен ӵошатыса, 33 процент ватсазы. Туннэ нуналаз 6 сюрс 630 килограмм йӧл потто.

Скал кыскись роботъёсын фермаослэн лыдзыя Грак ёрос элькунын нырысетӥ инты басьтэ. Кылем арын «Родина» возёсын кык сыӵе гидъёсты усьтӥзы.

Тодэ вайытом, Удмуртиысь гурт возёсын ваньбур поттӥсьёслы кун юрттэт сётон понна таяз арын федерал но улосвыл коньдэтъёсысь 2 миллиард 200 миллион манет чакламын



Наверх
Вниз