100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Тылобурдо вордон огъет усьтӥзы Удмуртиын

  • 850
  • 0
Сизяшур / Удмуртия
Тылобурдо вордон огъет усьтӥзы Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Пичи Пурга ёросысь Сизяшур гуртын туала тылобурдо вордон огъет усьтӥзы. Солэн ужпӧр луонлыкез – араз 1 сюрс 800 тонна тылобурдо сӥль (улэп секталаен). Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Ӵектосэз Удмуртиысь но Саратов улосвылысь инвесторъёс быдэсто, соос отчы 35 миллион манет коньдонзэс понӥзы ни

Тылобурдоосты будэтон улэ «Радист» совхозлэсь уже кутӥськисьтэм гидъёссэ тупатӥзы. Ужъёсты вакчи дыр куспын быдэстӥзы. Тылобурдоосты утялтон автоматизировать каремын: сюдонэн, сектанэн, озьы ик микроклиматэн компьютер программа кивалтэ.

Гидъёсын 80 выль ужан интыос кылдозы

Арня пумын ни огъетэ Челябинскысь толэзьем чипыосты ваёзы, 22 сюрс йыр тылобурдоез нырысетӥ корпусэ интыялозы. Ӝоген кыкетӥ корпусэз но усьтозы. Нош оглом ньыль гидъёсын 121 сюрс йыр бройлеръёсты возёзы.

Сӥль поттон понна выль объектъёс пуктыны чакламын – вандон цех но переработкая цех. Предприятилэн аслаз инкубаторез но луоз. <…> Ми вузпӧрлэсь выль сегментсэ басьтыны малпаськомы – со халяль но органической продукция, озьы ик ростер
Фёдор Коркин, «Феникс» агрофирмалэн кивалтӥсез

Поттэм продукцилэсь бадӟым люкетсэ Москвае келялозы, озьы ик татысь вузкаронниосын но огкылъёс юнматӥзы. 

Тодэ вайытом, та дыре Удмуртиын скал кыскись роботэн витетӥзэ фермаез пукто.  



Наверх
Вниз