Ижкар+26 °C
12 -тӥ пӧсьтолэзь 2020 Воскресенье
16+

18 сюрс гектар пала музъеме валэс юос кизёзы туэ Глаз ёросын

  • 730
  • 0
Глазкар / Удмуртия
18 сюрс гектар пала музъеме валэс юос кизёзы туэ Глаз ёросын
Туспуктэм: Никита Иванов

Удмуртиысь Глаз ёросын туэ 17 сюрс 696 гектаре валэс юос кизьыны дасясько. Со пӧлын 1 сюрс 420 гектар буш сылӥсь музъемъёсы. Тулыс бусы ужъёслы дасяськон ужпумъёс сярысь ёросысь гурт возёсъёсысь агрономъёс кенешизы. Со сярысь «Глаз ёрос» муниципал кылдытэтлэн «ВКонтакте» мерлыко вотэсысь огиназ ивортэмын.

Ёросын одӥг гектар музъемлы 6,7 килограмм минерал ватсэтъёс басьтӥзы ини: 434 тонна аммиачной селитра но 220 тонна трос люкетъёслэсь ватсэтъёс. Бусыосы потон вакытозь эшшо басьтозы на.

Котькинлэсь трос ватсэтъёссы дасямын ни «Чура» огазеяськонын – 214 тонна

Ёросысь возёсъёсын кидысъёслэсь ӟечлыксэс 62 процентлы эскеризы ни. Со пӧлысь 80 процентсэ кондициозь вуттэмен лыдъязы. Озьы ик куд-ог возёсъёсы ватсаса кидыс басьтӥзы: «Коротай» возёсэ – чабей, сезьы, «Луч» гурт возёсэ – кӧжы, со сяна, йыды но сезьы басьтыны чаклало на, «Чура» огазеяськонэ – кукуруза но рапс.

Со вакытэ ик ёросысь возёсъёсын вузаны кидысъёссы но вань: йыдызы, чабейзы, сезьызы

Тулыс бусы ужъёслы механизаторъёс но дасясько. Мастерскойёсын тракторъёсты, музъемез бугыртӥсь-небӟытӥсь техникаез тупатъяло. Кемалась ик ӧвӧл, сюрес вылын ветлон куронъёсъя дышетсконъёс кутскизы.

Кенешон улсын гурт возёс музъемъёс вылын кадастр ужъёслы субсиди висъян, музъемъёсты изваскаян, элитной кидыс дасяны кун юрттэт висъян, киземез страховать карон, буш сылӥсь музъемъёсты кизёнэ кутон понна субсиди висъян ужпумъёсты ӝутӥзы.

Тулыс бусы ужъёс вакытлы валтӥсь ужпумъёс пуктӥзы: кизёно музъемъёссэс утьыны, кидысъёссылэсь ӟечлыксэс 90 процент кондициозь вуттыны, трос аръем турынъёсты кизёно музъемъёсты 10 процентозь вуттыны, минерал ватсэтъёс басьтонэз азинтыны но вылӥ ӟечлыкъем кидысъёс басьтыны. 


Наверх
Вниз