100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Пудо вордӥсьлэсь нуналзэ пусйизы Удмуртиын

  • 559
  • 0
Ижкар / Удмуртия
Пудо вордӥсьлэсь нуналзэ пусйизы Удмуртиын
Туспуктэм: Григорий Фомин

10-тӥ южтолэзе Удмуртиын Пудо вордӥсьлэсь нуналзэ пусйизы. Сӥё-дано ужрадын гуртоосты элькунлэн тӧроез Александр Бречалов ӟечкылаз.

Мерлык ласянь элькун понна та удыс валтӥсез луэ. Асьмелэн куиньмослэсь уноез калыкмы гуртын улэ но гурт удысын тырше. Коньдэтэн но оглом макроэкономикаен югдур капчи ӧвӧл ке но, 2020-тӥ арын удыслэн коньдэтэз ӧз кулэсмы: гурт возёсын ужасьёс 2 миллиард 200 миллион манет тыр субсидиос басьтозы. Пудо вордон удыслы 1 миллиард 200 миллион манет висъяломы. Со поттэм ваньбурлэсь 65 процентсэ сётэ
Александр Бречалов, Удмуртилэн тӧроез

Пусъём, элькунын йӧл поттон удыс валтӥсь инты басьтэ. Озьы 2019-тӥ арын 28 выль фермаос усьтӥзы, со 6 сюрс 886 йыр пудолы выль интыос.

Кылсярысь, Можга ёросысь Пазял гуртын роботъёсын ужась фермаез усьтӥзы. 400 пудолы гидэз «Родина» огазеяськон пуктӥз. Озьы ик Алнаш ёросысь «Родина» эштосын выль пудо гидын 300 скалъёсты роботъёс кыскозы.

«1 миллион тонна йӧл» улосвыл программая ньыль арскын 27 сюрс 500-лэсь трос пудо йырлы 122 выль фермаос усьтӥзы

Тодэ вайытом, 2019-тӥ арын Удмуртиын 8 процентлы тросгес йӧл кыскизы. Нош сӥльлы пудо вордонэз 2030-тӥ арозь 11 поллы будэтыны чаклало



Наверх
Вниз