100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Тулыс кизён ужъёс Удмуртиын оштолэзе кутскыны быгатозы

  • 557
  • 0
Ижкар / Удмуртия
Тулыс кизён ужъёс Удмуртиын оштолэзе кутскыны быгатозы
Туспуктэм: Руслан Нуриахметов

Таяз арын Удмуртиын тулыс кизён ужъёсты оштолэзе кутскыны быгатозы ни. Азьвыл аръёсы гуртоос бусыосы куартолэзь праздникъёс вылтӥ потылӥзы. Со сярысь улосвылысь гурт возёсъя но сиён-юонъя министерстволэн пресс-службаез ивортэ.

Туэ Россиын кизён ужъёс 10 нуналлы вазьгес кутскизы

Та дыре гурт возёсъёс минерал ватсэтъёс но эстӥськон дасяло, техника басьто но тупатъяло, кидысъёслэсь удалтонлыксэ будэто.

Удмуртиын вуоно кизён вакытэ агрохимия тросгес кутэмын луоз – таяз арын сое уногес басьтӥзы ни. Одӥг гектар музъем вылэ 14,8 килограмм минерал ватсэтъёс дасямын, кылем арын та дырлы – 10,4 килограмм. Ортчем арысь кылемзэ лыдэ басьтыса, южтолэзь кутсконлы 13 сюрс 100 тонна дасямын (кылем арын 5 сюрс 500 тонна)
Удмуртиысь гурт возёсъя но сиён-юонъя министерстволэн пресс-службаез

Минерал ватсэтъёс тужгес трос дасязы элькунысь Сарапул ёросын – гектарлы 49,4 килограмм, озьы ик Вавож ёросын – гектарлы 45,1 килограмм но Грак ёрос – гектарлы 35,2 килограмм.

2019-тӥ арын улосвылын валэс юосты кизён дыръя одӥг гектар музъеме 16,2 килограмм минерал ватсэтъёс понӥзы, 2018-тӥ арын – 13,8 килограмм

Озьы ик техникаез дасян но чырмытгес мынэ. 11-тӥ южтолэзьлы 87 процентэз тракторъёс бусые потыны дась (миым та дырлы 84 процент вал), культиваторъёс 90 процентэз (86 процент), диско боронаос 87 процентэз (84 процент).

Ар кутсконысен Удмуртиысь гурт возёсъёс 164 миллион 700 сюрс манет тыр 46 техника басьтӥзы, со пӧлын 14 тракторъёс, 8 комбайнъёс, 2 кизён огъетъёс.

Кидысъёс элькунын тырмыт, но кылем ар мускыт возиськемен сэрен солэн ӟечлыкез улӥынгес – 77 процент. Со дыре ик 13 ёросъёсын кидыссылэн удалтонлыкез улосвылъя шоро-куспо лыдпуслэсь вылӥынгес. Каракулино ёросын 100 процентэз кондиционной лыдъяське, Алнаш ёросын – 99 процентэз, Вавож ёросын – 95 процентэз.

2019-тӥ арын кизем тысё но пуртэсо юослэн кидысъёссылэн ӟечлыкез 95 процент вал – со совето но собере вакытъёсы тужгес умой лыдпус

Таяз арын оглом 402 сюрс 300 гектар вылэ валэс юосты кизьыны кулэ. 1-тӥ южтолэзьысен 1-тӥ куартолэзёзь Удмуртиын тулыс бусы ужъёслы дасяськонъя конкурс мынэ. Солы йылпумъянъёсты Гербер праздникын ялозы.

Тодэ вайытом, Удмуртиын ёрос кивалтӥсьёслэсь ужамзэс кизёно музъемъёслэн быдӟалазыя дунъялозы



Наверх
Вниз