100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Йӧл кыскон 5,6 процентлы будӥз Удмуртиын 2020-тӥ ар кутсконысен

  • 327
  • 0
Ижкар / Удмуртия
Йӧл кыскон 5,6 процентлы будӥз Удмуртиын 2020-тӥ ар кутсконысен
Туспуктэм: Григорий Фомин

2020-тӥ ар кутсконысен Удмуртиын йӧл поттон 5,6 процентлы йылӥз. Со сярысь улосвылысь гурт возёсъя но сиён-юонъя министерстволэн пресс-службаез ивортэ.

Туэ кык толэзь ӵоже гурт возёсъёс но фермеръёс 127 сюрс 500 тонна йӧл кыскизы. Кылем арысь та вакытэн ик ӵошатыса, со 7 сюрс 200 тонналы тросгес. 116 сюрс тонназэ кыскем йӧлэз возёсъёс йӧллэсь вузъёс поттӥсь предприятиосы келязы, со кылем арынлэсь 7 процентлы тросгес.

Вань кыскем йӧллэсь 92 процентсэ вузаны луиз, кылем арын сярысь лыдпус 3,6 процентлы будӥз.

Та дыре элькунамы котькуд скаллэсь нуналаз 18,8 килограмм йӧл кыско

Йӧл поттон удысын азьветлӥсьёс луо Вавож ёросысь возёсъёс. Туэ ар кутсконысен соос 12 сюрс 200 тонна йӧл кыскизы ини. Нош йӧл поттонэз йылэтонъя Вотка ёросысь возёсъёс ваньзэс азьпалтӥзы. Отын вузпӧрзэс 14,8 процентлы будэтӥзы.

Пусъём, 2019-тӥ арысен йӧл поттон удысын тужгес но шӧдскымон фермер возёсъёс азинско. Туэ толшоре-тулыспалэ соос йӧл кысконзэс 15,6 процентлы будэтӥзы (гурт возёсъёс - 5,1 процентлы). Сомындалы ик йылӥз молокозаводъёсы вузам йӧлзылэн мындалаез (гурт возёсъёсын - 6,6 процентлы). 

Тодэ вайытом, 2019-тӥ арын Удмуртиысь гурт но фермер возёсъёс 758 сюрс 900 тонна йӧл кыскизы. Азьвыл арен ӵошатыса, со 8,2 процентлы тросгес. 



Наверх
Вниз