100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

82 процентэз тракторъёс тулыс бусы ужъёслы дасесь Юкаменск ёросын

  • 120
  • 0
Ижкар / Удмуртия
82 процентэз тракторъёс тулыс бусы ужъёслы дасесь Юкаменск ёросын
Туспуктэм: Григорий Фомин

Юкаменск ёросын тулыс бусы ужъёслы дасяськонъя ёрос вожвылъяськон улсын техникаез эскеронъёс мыно. 20-тӥ южтолэзёзь ӧнерчиос вить гурт возёсъёсы вуылӥзы, отын 82 процентэз тракторъёссы бусые потыны дасесь. Кылем арын та дырлы 76 процентэз дась вал. Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Возёсъёсын культиваторъёссы 94 процентлы дасесь, кизён арбериоссы – 88 процентлы, диск усыоссы – 98 процентлы. Кивалтӥсьёс но инженеръёс тракторъёсты техосмотрлы дасян сярысь тужгес но  сюлмасько. Со ёросын 13-тӥ оштолэзе кутскоз

Ёросысь возёсъёсын тракторъёсты но мукет гурт возёс техникаез быдэс ар ӵоже тупатъяло. Кылем арын куинь ХТЗ-150К тракторъёссэс Пичи Пургаысь «РОС» огазеяськонын рос-прос выльдӥзы. Туэ но тулыс бусы ужъёс кутскытозь куинь тракторзэс отын ик выльдыны малпало.

Озьы ик 2020-тӥ арын ёросэ одӥг «Беларусь» трактор но кык кизён арбериос басьтӥзы. Жаляса верано, вань возёсъёслэн выль техника басьтыны луонлыксы ӧвӧл, соин тросэз азьлозэ рос-прос выльдыны тыршо, мае ке но нимысьтыз огазеяськонъёсы келяса тупатъяло. 

Тодэ вайытом, туэ Удмуртиын тулыс бусы ужъёс оштолэзе ик кутскыны быгатозы ини. 



Наверх
Вниз