100 лет государственности Удмуртии
Ижкар+21 °C
29 -тӥ куартолэзь 2020 Удмуртарня
16+

Нылпиослы сок поттон борды басьтӥськыны малпало Можга ёросысь гурт возёсын

  • 338
  • 0
Можга / Удмуртия
Нылпиослы сок поттон борды басьтӥськыны малпало Можга ёросысь гурт возёсын
Туспуктэм: Удмуртиысь тӧролэн но кивалтэтлэн пресс-службазы

Можга ёросысь «Заря» гурт возёс-колхоз нылпиослы сокъёс поттыны малпа. Выль инвестици ӵектос сярысь возёслэн кивалтӥсез Валентин Владимиров Удмуртилэн тӧрезлы Александр Бречаловлы вераз. Улосвыллэн кивалтӥсез 14-тӥ куартолэзе Можгаын но ёросын ужа, ивортэ элькун тӧролэн но кивалтэтлэн пресс-службазы.

«Заря» Удмуртиын бакча сиёнъёсты будэтон удысын одӥгез валтӥсез гурт возёс луэ, озьы ик соосты переработать карон опытэз вань. Выль ӵектосэз быдэстон понна ужпӧр площадка пуктыны кулэ, отын 15 ужан интыос кылдозы. Предприяти арлы быдэ элькун коньдэтэ 500 сюрс манет вытъёс тыроз шуыса чаклало. Ужпӧрез кутскыны возёслэн аслаз коньдонэз уг тырмы, али банкъёсын пунэмаськон сярысь кенешонъёс нуо.

Александр Бречалов пусйиз, гурт возёсын выль ӵектосъёсты улонэ пыӵатон но ужан интыос кылдытон – элькунэз азинтонын валтӥсь инты басьтэ, соин ик улосвыл кивалтэт гуртоослы юрттоз.  

Та дыре «Заря» гурт возёсын 150-лэсь трос адями ужа. Бакча сиёнъёс сяна, колхозын ю-нянь будэто, сюро таза пудо возё. Предприяти йӧл поттонын азьветлӥсь но племенной репродуктор луэ

Александр Бречалов гурт возёслэн кивалтӥсеныз Валентин Владимировен кизён вакыт мынон сярысь кенешиз. Кивалтӥсьлэн верамезъя, туэ куазь музъемез дасяны но валэс юосты кизьыны дыраз сётэ, соин ик ӟеч урожай басьтыны оско. 

Кылем арын возёсын выль скал гид усьтӥзы. Соин валче туэ котькуд скаллэсь 8 сюрс килограммозь йӧс кыскыны ужпум пуктӥзы. Скал уллёзылэсь выжызэ умоятон понна Даниысь Джерси выжыысь вылӥ пайдалыко пудо басьтӥзы. Соос араз 10 сюрслэсь трос килограмм йӧл сётыны быгато. Азьланяз возёсын эшшо 300 пудолы гид пуктыны но матысь аръёсы скал уллёзэс 1 сюрс йырозь вуттыны чаклало

Тодэ вайытом, Удмуртиын фермер ужен вырон понна грант утон понна куриськонъёсты кутыны кутскизы



Наверх
Вниз