Ижкар+17 °C
18 -тӥ куарусён 2020 Удмуртарня
18+

Алнаш но Вавож ёросъёс вормизы тулыс бусы ужъёслы дасяськонъя элькун вожвылъяськонын

  • 260
  • 0
Ижкар / Удмуртия
Алнаш но Вавож ёросъёс вормизы тулыс бусы ужъёслы дасяськонъя элькун вожвылъяськонын
Туспуктэм: Руслан Нуриахметов

2020-тӥ арын тулыс бусы ужъёслы дасяськонъя элькун вожвылъяськонын Алнаш но Вавож ёросъёс вормизы. Со сярысь улосвылысь гурт возёсъя но сиён-юонъя министерстволэн пресс-службаез ивортэ.

Вожвылъяськонлэн ӧриез техникалэсь дасьлыксэ, кидысъёслэсь ӟечлыксэс, минерал ватсэтъёслэсь вань луэмзэс, механизаторъёсты ужан интыын вӧсь луон учыръёсты алыны дышетэмзэс,  кизёно музъемъёссылэсь быдӟалазэс но мукетсэ эскериз. 

Котькуд ӧръя баллъёсты ватсаса, ёросъёс пӧлын вормисе потӥзы:

  • 1-тӥ инты – Алнаш но Вавож ёросъёс;
  • 2-тӥ инты – Можга ёрос;
  • 3-тӥ инты – Грак ёрос.

Пусъемын, Кез, Каракулино но Красногорск ёросъёс туэ вожвылъяськонэ ӧз пыриське.

Возёсъёс пӧлын вормисьёс луизы:

  • 1-тӥ инты – Вавож ёросысь «Колос» возёс;
  • 2-тӥ инты – Шаркан ёросысь «Ошмес» возёс но Грак ёросысь «Родина» возёс;
  • 3-тӥ инты – Дэри ёросысь «Путь Ильича» возёс, Можга ёросысь «Родина» возёс но Глаз ёросысь «Чура» возёс.

Вожвылъяськонын вормисьёсты но азьветлӥсь механизаторъёсты ми котьку но кизён ужъёсты йылпумъянлы сӥзем «Гербер» йӧскалык шулдыръяськонын сӥё-дано пусйылӥмы. Но туэ пандемиен но соин валче сюбегатонъёсын сэрен сое ортчытон пумысен юанъёс кылдӥзы. Озьы ке но, таукаронъёсты но коньдон кузьымъёсты ми одно ик сётом – нырысетӥ луонлык дыръя ик, асьме удысын ортчоно нырысетӥ нимлыко ужрадын ик
Ольга Абрамова, Удмуртиысь кивалтэтлэн тӧроезлэн воштӥсез, Удмуртиысь гурт возёсъя но сиён-юонъя министр

Пусъём, ёросъёс но нимаз взёсъёс куспын вожвылъяськон арлы быдэ кизён вакытэз ӟечлыко ортчытон понна радъяське. Туэ со 1-тӥ южтолэзьысен 1-тӥ куратолэзёзь мынӥз.

Тодэ вайытом, элькунысь куинь ёросъёс вазь вуись юосты кизён ужзэс йылпумъязы ини.



Наверх
Вниз