Ижкар+15 °C
18 -тӥ куарусён 2020 Удмуртарня
18+

460 йырлы выль скал гид усьтыны дасясько Удмуртиысь Вотка ёросын

  • 300
  • 0
Вотка / Удмуртия
460 йырлы выль скал гид усьтыны дасясько Удмуртиысь Вотка ёросын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Вотка ёросысь «Пихтовка» предприятиын 340 йырлы чаклам выль скал гидэз усьтыны дасясько. Уже 60 миллион манет котыр инвестициос кутӥзы ни, отын элитной пудоез гинэ возёзы. Со сярысь Удмуртиысь гурт возёсъя но сиён-юонъя министерстволэн пресс-службаез ивортэ.

Али ӧнерчиос йӧс кыскон тӥрлыкез пукто, борддоръёсты шунытато, буяло.

Пумен та гидэ пыртоно пудоез дасяло –ӟеч выжыысь 200 пала ветылъёс басьтӥзы ни, со возёслы 29 миллион манет тыр усиз. Та нуналъёсы эшшо 90 йыр вайизы, али соос карантинын. Элитной пудоез басьтон пумысен мукет племпредприятиосын кенешонъёс азьланьтӥсько
Удмуртиысь гурт возёсъя но сиён-юонъя министерстволэн пресс-службаез

«Пихтовкаын» асьсэос но 70 ветылъёсты будэтӥзы. Нырысетӥ кунянъёссы вордскизы ни, скалъёс йӧл сётыны ӧдъязы.

Пудоез выль гидэ гидэ инвожо кутсконын пыртыны кутскозы

Возёс кивалтӥсьёс быдэс скал уллёлэсь нуналаз 10 сюрс тонна йӧл кыскыны ужпум пукто. Ар пумозь лыдпус 18 тоннаозь вуыны кулэ. Али «Пихтовкаын» 350 скалъёслэсь нуналаз 9 тонналэсь тросгес йӧл кыско.

Министерствоын пусъё, выль гид быронэ вуэм Осиновка гуртэ выль улон шокчоз. 1991-тӥ арын отын 300 пала улӥсез вал, школа, магазин, медпункт ужазы. Но ужъюртъёс огез бӧрсьы мукетыз ворсаськылӥзы. Фермаез быдтэм бере, калык Пихтовкае улыны кошкыны ӧдъяз. «Пихтовка» предприяти отын сюро таза пудо будэтыны гид усьтэм бере, гуртлэн кыкетӥ улонэз кутскиз. Куке но вордскем интыысьтызы кошкем муртъёс выльысь берытско. Али Осиновкаын 97 адями улэ, соос пӧлын 12 дышетскисьёс. 

Тодэ вайытом, Удмуртиын йӧл поттон удысын выль рекорд пуктӥзы – нунал ӵоже котькуд скаллэсь 20 килограмм йӧл кыскизы.



Наверх
Вниз