100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Гурт возёс пудоез онлайн-адӟытонэ 50 пала предприятиос пыриськозы Удмуртиын

  • 173
  • 0
Ижкар / Удмуртия
Гурт возёс пудоез онлайн-адӟытонэ 50 пала предприятиос пыриськозы Удмуртиын
Туспуктэм: Алексей Арзамасцев

Удмуртиын гурт возё пудоез адӟытон туэ нырысьсэ онлайн амалэн ортчоз. Ужрадэ пыриськон понна 48 предприятиослэсь куриськонъёс вуизы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Со ваньмыз сямен йӧло сюро таза пудоез будэтӥсь племенной заводъёс но репродукторъёс (кыкезтэк). Со сяна, Удмуртиысь гурт возёсъя министерство пудоез адӟытон-вожвылъяськонэ пыриськон луонлыкъёсты паськытатӥз, солы луыса отчы вуз поттӥсь укмыс возёсъёс но пыриськозы
Удмуртиысь гурт возёсъя но сиён-юонъя министерстволэн пресс-службаез

Озьы ик нырысьсэ сӥлё выжыосысь – герефорд но абердин-ангусс – пудоосты дунъялозы. Соосты ньыль фермер возёсъёс возьматозы. Со Пичи Пурга ёросысь НадеждаЧушъяловалэн, Глаз ёросысь Александра Лекомцевалэн но Вотка ёросысь Владимир Паздеринлэн фермер возёсъёссы но Шаркан ёросысь Павел Киселёвлэн «Песека» возёсэз.

Вожвылъяськонэ пыриськон понна возёсъёс уллёысьтызы тужгес усто скалэз, нырысьсэ кунян ваем скалэз, 12-13 толэзьем ветылэз бырйыны, съёмкаослы дасяны но ужрадэз радъясьёслы видеоролик келяны кулэ.

Туэ адӟытон онлайн амалэн ортче бере, нош судьяос - калыккуспо экмпертъёс, конкурсэ пыриськисьёс азьын валтӥсь курон – вылӥ ӟечлыко видеоматериал дасян
Удмуртиысь гурт возёсъя но сиён-юонъя министерстволэн пресс-службаез

Нырысетӥ фото- но видеосъёмкаос Дэри ёросысь «Путь Ильича» возёсын ортчизы. Нош туннэ ужъёсты Вотка ёросысь возёсъёсын азинтозы. 

Видеоужъёсъя устоосэ пудоез Америкаысь экспертъёс Пи Джей Бадлер но Майк Крик дунъялозы. 

Пи Джей Бадлер удмурт аграриосын тодмо ини – 2019-тӥ арын куартолэзе со нырысьсэ Удмуртие вуылӥз но сӥлё пудо вордонъя дышетон семинарын валтӥсь эксперт луиз. Ӧнерчи мрамор сӥль поттонын туала технологиос сярысь вераз но герефорд выжыысь пудоез дунъянъя мастер-класс сётӥз
Удмуртиысь гурт возёсъя но сиён-юонъя министерстволэн пресс-службаез
 

Гурт пудоез учкон-адӟытон элькунын 16-тӥ инвожое ортчоз. 

Тодэ вайытом, Вотка ёросын 460 йырлы выль скал гид усьтыны дасясько.



Наверх
Вниз