Ижкар+22 °C
8 -тӥ гудырикошкон 2020 Кӧснунал
16+

Йӧл кыскон «Карусель» установкаен ньылетӥзэ огъетэз пукто Удмуртиын

  • 288
  • 0
Алнаш / Удмуртия
Йӧл кыскон «Карусель» установкаен ньылетӥзэ огъетэз пукто Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиысь Алнаш ёросысь «Молодая гвардия» гурт возёс кооператив-колхоз йӧл кыскон «Карусель» установкаен гид пуктэ, солэн дуныз оглом 200 миллион манет луэ. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Элькунамы ньылетӥзэ сыӵе огъетэз пуктон борды 2018-тӥ арын кутскизы. Гид оглом 800 йыр пудолы чакламын.

Туннэ нуналлы бадӟым лэсьтӥськонлэн нырысетӥ люкетаз – 400 йырлы скал гидын но скал кыскон висъетын – йылпумъясь ужъёс кутскизы

Та дырозь предприятие уже 79 миллион 900 сюрс манет понӥз ини. Со пӧлысь 50 миллион 800 сюрсэз Выль Зеландиысь «Карусель» Waikato йӧл кыскон установка басьтыны кошкиз. Та дыре сое Санкт-Петербургысь вуэм ӧнерчиос пукто.

Выль фермае пудоез туэ гужем пыртыны чаклало

«Молодая гвардия» котьку но вылӥ лыдпусъёс возьматыны тырше – племенной завод инлыкен ужа. 2019-тӥ арын предприятиын тыршисьёс 6 сюрс 300 тонна йӧл кыскизы, азьвыл арен ӵошатыса, со 4 процентлы тросгес. Котькуд скалзылэсь шорлыдын 7 сюрс 551 тонна йӧл поттӥзы. Нош 2020-тӥ арын толшор-оштолэзь ӵоже, кылем арысь та вакытэн ӵошатыса, 6 процентлы тросгес кыскизы ни. Туннэ нуналлы предприятиын 2 сюрс 428 йыл сюро таза пудозы, соос пӧлысь 840-эз – кысконо скалъёс.

Тодэ вайытом, Вотка ёросысь «Пихтовка» предприятиын 340 йырлы чаклам выль скал гидэз усьтыны дасясько



Наверх
Вниз