Ижкар+15 °C
2 -тӥ пӧсьтолэзь 2020 Покчиарня
16+

30 фермеръёс ужзэс азинтыны грант басьтон понна нюръяськозы Удмуртиын

  • 205
  • 0
Ижкар / Удмуртия
30 фермеръёс ужзэс азинтыны грант басьтон понна нюръяськозы Удмуртиын
Туспуктэм: vk.com (Минсельхоз УР)

Удмуртиын «Семьялэн фермаез» но «Кутскись фермер» ӧръёсъя грант басьтыны 41 куриськонъёс вуизы, со пӧлысь вожвылъяськонэ куамынзэ лэзизы, ивортэ элькунысь гурт возёсъя но сиён-юонъя министерстволэн пресс-службаез.

Грантъёслы кулэяськон Удмуртиын зэмзэ но бадӟым луиз – ми трос куриськонъёс басьтӥськом но валаськом, маин со герӟаськемын. Со – гуртын ас ужез кутскыны зэмос юрттэт, кудзэ сётэ кун
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Вожвылъяськонэ лэземъёс али ӵектосъёссэс утёнлы дасясько, со инвожолэн нырысетӥ нуналъёсаз ортчоз. Семьяен фермаез азинтон понна 15 миллион манетозь басьтыны быгатозы, нош сӥль но йӧл поттон понна сюро таза пудоез будэтон ужен вырыны малпасьёс - 5 миллион манетозь.

«Семьялэн фермаез» ӧръя оглом 59 миллион 700 сюрс манет сётозы, «Кутскись фермер» ӧръя – 22 миллион 900 сюрс манет. Коньдонэз 19-тӥ инвожоысен сётъяны кутскыны малпало.

Тодэ вайытом, та дыре Удмуртиын «Агростартап» программая грант басьтыны вожвылъяськонэ пыриськон понна куриськонъёсты кутон мынэ на. 



Наверх
Вниз