Ижкар+19 °C
2 -тӥ пӧсьтолэзь 2020 Покчиарня
16+

300 гектар пала гинэ кизьыны кылиз на Удмуртиын

  • 232
  • 0
Ижкар / Удмуртия
300 гектар пала гинэ кизьыны кылиз на Удмуртиын
Туспуктэм: Руслан Нуриахметов

29-тӥ куартолэзьлы Удмуртиын тысё но тысё-пуртэсо юосын чакламлэсь 331 гектарзэ кизьыны кылиз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Кизёнзэс сизьым ёросъёсын гинэ азьланьто на. Ува ёросын ужзэ 97 процентлы быдэстӥзы, Каракулино но Пичи Пурга ёросъёсын – 95 процентлы, Дэбес но Яр ёросъёсын – 92 процентлы, Кез ёросын – 90 процентлы.

Вазь вуись ю-няньёс 281 сюрс 800 гектар музъем вылэ киземын ини (чакламын 282 сюрс 200 гектар)

Озьы ик возёсъёс валэс пульдостурынэз (рапс) кизён ужъёсты азьланьто. Туннэ нуналлы чакламлэсь 1 сюрс 500 гектарлы тросгес кизизы ини. Озьы, Алнаш ёросын рапс бусыоссэс 1 сюрс 100 гектарлы йылэтӥзы чакланъёссэс 391 процентлы быдэстӥзы. Дэри ёросын – 546 гектар ватсазы но планзэс 168 процентлы быдэстӥзы. 

Чакламлэсь 546 гектарлы тросгес етӥн но кизизы. «Уйпал буртчин» будэтӥсь ёросъёс пӧлысь Кезын гинэ ужзэс азьланьто на.

Картофка чакламлэсь 92 процентэз мерттэмын. Кукурузаез 2 сюрс 200 гектаре кизьыны кылиз (ужъёсты чакламлэсь 91 процентлы быдэстӥзы), бакча сиёнъёсты – 124 гектаре (ужъёс 69 процентлы быдэстэмын), пудо сиёнлы одӥг аръем турынъёсты турынъёсты – 13 сюрс 600 гектаре 78 процентлы быдэстэмын), трос аръем турынъёсты – 21 сюрс 700 гектаре (73 процентлы быдэстэмын). Туэ элькунысь возёсъёс трос аръем турынъёсты кылем арынлэсь 5 сюрс 200 гектарлы тросгес кизьыны чаклало.

Тодэ вайытом, Удмуртиын «Семьялэн фермаез» но «Кутскись фермер» ӧръёсъя грант басьтыны 30 фермеръёс нюръяськозы.



Наверх
Вниз