Ижкар+18 °C
6 -тӥ гудырикошкон 2020 Покчиарня
16+

Экологи ласянь чылкыт вузъёсын ужпӧрез лэзёзы Удмуртиын 2020-тӥ арын

  • 92
  • 0
Кияса / Удмуртия
Экологи ласянь чылкыт вузъёсын ужпӧрез лэзёзы Удмуртиын 2020-тӥ арын
Туспуктэм: vk.com (Минсельхоз УР)

2020-тӥ арын Кияса ёросын нырысетӥез Удмуртиын экологи ласянь чылкыт вузъёс поттонъя возёс ужаны кутскоз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Удысэтын инвестициосъя огез тужгес бадӟым ӵектос борды «Экоферма «Дубровское» огазеяськон басьтӥськиз. Туэ сое быдэстон йылаз-пумаз вуоз ини. Лэсьтӥськонэз куать ар талэсь азьло гольык бусы шорын кутскизы. Нош туэ гудырикошконэ 1 сюрс 200 йыр пудолы чаклам йӧл поттон фермаез усьтыны чаклало ини, куарусён пумын – сыр лэсьтон цехез, коньывуон пумын – 1 сюрс йырлы кеч фермаез.

Выль гидъёсы кунгож сьӧрысь пудоосты пыртозы. Йӧло выжыысь горд скалъёсты уйпал Европаысь ваёзы – ӝынызэ датской горд выжыысь, мукет ӝынызэ - финской айрширской выжыысь. Даниысь нырысетӥ ветылъёсты гудырикошкон кутсконын ик вуттозы ини. Нош коньывуонэ зааненской выжыысь 1 сюрс кечъёсты ваёзы.

Удмуртилэн тӧроез но кивалтэт юрттэмен туэ оштолэзе огазеяськон гидъёс пуктыны 950 миллион манет тыр капчиятэм кредит басьтыны быгатӥз.

Бадӟым лэсьтӥськон соин уз дугды. Черодын – кидысъёс дасян завод, асьсэ вузкаронниоссэс усьтон. Озьы ик ӧнерчиослы улон интыос пуктон нимысьтыз инты басьтэ. Туннэ предприятиын 60 мурт ужа, кивалтӥсьёс ар ӵоже Кияса ёросын 150-лэсь трос выль ужан интыос кылдытыны оскыто. Али вить корка пуктэмын ни, куарусёнэ выль юртъёсы эшшо 15 семьяос пырозы. 2021-тӥ арын Лутоха гуртын эшшо 40 корка ӝутыны малпало.

Тодэ вайытом, Ува ёросын туэ гужем 150 йыр пудолы чаклам выль ферма усьтозы. 



Наверх
Вниз