Ижкар+19 °C
6 -тӥ пӧсьтолэзь 2020 Вордӥськон
16+

Куать процентлы азинскиз йӧл поттон удыс Удмуртиын 2020-тӥ ар кутсконысен

  • 102
  • 0
Ижкар / Удмуртия
Куать процентлы азинскиз йӧл поттон удыс Удмуртиын 2020-тӥ ар кутсконысен
Туспуктэм: Григорий Фомин

2020-тӥ арын толшорысен куартолэзёзь Удмуртиысь йӧл поттон удыс куать процентлы азинскиз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Туэ толшор – куартолэзь ӵоже элькунысь гурт но фермер возёсъёсын оглом 334 сюрс 300 тонна йӧл кыскизы. Кылем арысь та вакытэн ик ӵошатыса, со 6 процентлы яке 18 сюрс 800 тонналы тросгес.

Йӧллэсь вуз поттӥсь заводъёсы йӧлэз вузан 6,5 процентлы йылӥз. Туэ вить толэзь ӵоже заводъёсы 304 сюрс 500 тонна йӧл келязы. Кылем арын та дыр ӵоже ик 285 сюрс 900 тонна вал. Вань кыскем йӧл пӧлысь 91 процентэз вузамын.

Котьку сямен йӧл поттон удысын азьветлӥсь Вавож ёрос луэ. Отын ар кутсконысен  31 сюрс 900 тонна йӧл кыскизы ини. Озьы ик ёросысь возёсъёс поттэм йӧлзэс вузанын но ваньзэсты азьпалто. Ар кутсконысен 30 сюрс тонназэ вузазы. Нош йӧл поттонын но вузанын тужгес зол Вотка ёрос азинскиз, кылем арын сярысь лыдпусъёссэс 25 но 30 процентлы умоятӥзы.

10-тӥ инвожолы ивортонъёсъя, элькунамы килограмм йӧлэз шорлыдын 24 манет 13 коньыен вузало (вытъёсты лыдэ басьтытэк). Кылем арын та нуналлы йӧл 22 манет 54 коньы сылӥз

Тодэ вайытом, Удмуртиын сюро векчи пудоез искусственно бызьылытонъя нырысетӥ станци кылдыто.



Наверх
Вниз