Ижкар+19 °C
6 -тӥ пӧсьтолэзь 2020 Вордӥськон
16+

870 сюрс тонна йӧл кыскыны чаклало Удмуртиын 2020-тӥ арын

  • 59
  • 0
Ижкар / Удмуртия
870 сюрс тонна йӧл кыскыны чаклало Удмуртиын 2020-тӥ арын
Туспуктэм: Григорий Фомин

2020-тӥ арын Удмуртиын 870 сюрс тонна йӧл кыскыны чаклало. Кылем арын сярысь со 43 сюрс 500 тонналы тросгес, ивортэ элькунысь гурт возёсъя но сиён-юонъя министерстволэн пресс-службаез.

Гурт возёсъёсын котькуд скаллэсь 6 сюрс 900 килограмм йӧл кыскозы (2019-тӥ арын - 6 сюрс 402 килограмм) но оглом 802 сюрс 500 тонна йӧл поттозы шуыса возьмало (2019-тӥ арын 753 сюрс 100 тонна вал, 2018-тӥ арын – 703 сюрс 800 тонна). 

Сыӵе лыдпусъёсты 2020-тӥ ар кутсконысен вить толэзь ӵоже элькунамы йӧл поттонлэсь 6 процентлы йылэмзэ чакласа верало. Таӵе ик азинлык луиз ке, чакланъёс быдэсмыны кулэ.

2020-тӥ арын йӧл поттон удысын тужгес зол Вотка ёрос азинскиз – толшорысен-куартолэзёзь пудо вордӥсьёс 15 процентлы тросгес йӧл кыскизы. Озьы ик вить устоосыз пӧлы Яр (14,7 процент), Вавож (13,1 процент), Ува (9,1 процент) но Шаркан (8,8 процент) ёросъёс пыро.

Котькуд скаллэсь тужгес трос йӧл Вотка ёрослэсь возьмало – 8 сюрс 468 килограмм, Вавож ёрослэсь – 8 сюрс 215 килограмм, Шаркан ёрослэсь - 8 сюрс 172 килограмм.

Тодэ вайытом, туэ куартолэзе Удмуртиын йӧл кыскон удысын выль рекорд пуктӥзы.



Наверх
Вниз