Ижкар+19 °C
7 -тӥ пӧсьтолэзь 2020 Пуксён
16+

630 сюрс тонна ю тысь жильдыны малпало Удмуртиын 2020-тӥ арын

  • 69
  • 0
Ижкар / Удмуртия
630 сюрс тонна ю тысь жильдыны малпало Удмуртиын 2020-тӥ арын
Туспуктэм: Удмуртиысь гурт возёсъя но сиён юонъя министерстволэн пресс-службаез

2020-тӥ арын Удмуртиын ю тысь кылем арын мында ик люканы чаклало – 630 сюрс тонна. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Умой куазь ӟеч ю тысь басьтыны оскон сётэ. Удмуртиысь гурт возёсъя министерство чакламъя, со 630 сюрс тонна котыр луоз. Тысё юос али ӝог будо, бусыосын югдур умой – возёсъёс тросаз музъемъёссы вылысь жаг турынэз быдтон вылысь хими суретъёс пазязы. Киземъёс 236 сюрс 900 гектар вылын утемын, нош со 83 процент луэ
Удмуртиысь гурт возёсъя но сиён-юонъя министерстволэн пресс-службаез

Нош пульдостурын (рапс) но долгунец етӥн миымлэсь тросгес люкаськоз шуыса чаклало – та будосъёс улэ туэ тросгес музъемъёс висъязы.

Пульдостурынэз 3 сюрс 677 гектарлы тросгес кизизы, етӥнэз – 1 сюрс 16 гектарлы. Етӥн будэтӥсь улосвылъёс пӧлын Удмуртия куинетӥ инты басьтэ (Омск но Тверь улосвылъёс бере), элькунамы 5 сюрс 100 гектар вылэ уйпал буртчинэз кизизы. Отысь 3 сюрс 500 тонна етӥн мертчан басьтыны малпало, кылем арын 1 сюрс 700 тонна вал.

2020-тӥ ар кутсконын Удмуртиын гурт возёс ужъёсты нуыны чаклам музъемъёслэн быдӟалазы 1 миллион 861 сюрс 300 гектар мында пусъемын, отысь 1 миллион 693 сюрс 100 гектарез – гурт возёс бусыос, со пӧлын 1 миллион 293 сюрс 800 гектар яке 76,4 процентэз – гыроно музъемъёс

Тодэ вайытом, азьвылгес Удмуртиын тысё но пуртэсо юосты чакламлэсь 1,5 сюрс гектарлы тросгес кизизы шуыса ивортӥзы вал.  



Наверх
Вниз