Ижкар+20 °C
9 -тӥ гудырикошкон 2020 Воскресенье
16+

Удмуртиын муш утисьёслэсь огазеяськонзэс кылдытозы

  • 72
  • 0
Ижкар / Удмуртия
Удмуртиын муш утисьёслэсь огазеяськонзэс кылдытозы
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиысь гурт возёсъя но сиён юонъя министерство муш вордон удысэз азинтонъя кун программа но Муш утисьёслэсь огазеяськонзэс кылдытон бордын ужа. Со сярысь удысэтлэн пресс-службаез ивортэ.

Милям элькунысь мушъёслэсь пайдалыксэс будэтэммы, выжызэс азинтэммы, бренд кылдытэммы но вӧлмытэммы потэ. Ваньмыз со удысэз юн карыны луонлык сётоз
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Муш утисьёслэн огазеяськонзы гужем пумын кылдыны кулэ ни. Котькуд ёросын солэн ёзэтэз луоз. Огазеяськонын мушкасьёслы азинскыны, сюлмаськонъёссэс сэрттыны-пертчыны капчигес луоз.

Милям азинскыны малпасьёслы, вуз поттонзэс будэтыны, муш бакчазэс паськытатыны мылкыд карисьёслы юрттэммы потэ. Туннэ кооперативъёслэн кутэм коньдонзылэсь 50 процентсэ берыктыны но сое уже кутыны луонлыксы вань. Озьы котькуд ар лэсьтыны луэ. Улосвылын «Агростартап» грантэ муш утёнъя ӵектосэн мыло-кыдо вазисько. Ас ужез азинтыны 5 миллион манетозь басьтыны луэ. Куке мушкасьёс огазеяськозы, юрттэт шӧдскымон йылыны быгатоз
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Муш вордон удысэз азинтонъя ӵектонъёсты министерство гудырикошконозь эскероз.

2020-тӥ арын 1-тӥ куартолэзьлы Удмуртиын 50 сюрс 300-лэсь трос муш семьяос лыдъясько, со пӧлысь 47 сюрс 560-зэ нимаз адямиос утё. Муш бакчаос тужгес трос Можга, Кизнер, Шаркан ёросъёсын. Егитъёсты удысэ кыскон вылысь министерство муш вордонэз агроклассъёслэн дышетон программаязы пыртыны малпа.

Тодэ вайытом, таяз арын Удмуртиын муш возисьёслэсь реестрзэс кылдытӥзы



Наверх
Вниз