Ижкар+10 °C
19 -тӥ куарусён 2020 Кӧснунал
18+

Пудо сиён дасян ужъёсты йылпумъяло Удмуртиын

  • 88
  • 0
Ижкар / Удмуртия
Пудо сиён дасян ужъёсты йылпумъяло Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиысь гурт возёсъёс пудо сиён дасянын чаклам лыдпусъёсты быдэстонлы матэктӥзы. Вуоно толъён вакыт пудо понна тыр луоз шуыса оскон вань. Со сярысь элькунысь гурт возёсъя но сиён-юонъя министерстволэн пресс-службаез ивортэ.

2020-тӥ ар Удмуртиысь агропром огъет понна умой мынэ – будосъёсты будэтон удысын но, пудо вордонын но туннэ нуналлы азинсконъёслы ми умой дунъет сётӥськом
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Инвожоысен элькунын куазь умой возиськиз, со пудо сиён дасян ужъёсты ӝегатскытэк но ыштонъёстэк нуыны луонлык сётӥз.

22-тӥ пӧсьтолэзьлы сенаж чакламезлэсь 96 процентсэ дасязы (кылем арын – 79 процент), турын – 83 процент (42 процент), силос – 48 процент (39 процент). Силос дасяны тросгес кукуруза мынэ, али со будэ на.

Одӥг пудо йырлы элькунъя шорлыдын 20 центнер сиён дасязы (кылем арын та дырлы 14,5 центнер вал). Та дырлы тужгес трос сиён Эгра ёросын (33,2 центнер) но Сарапул ёросын (31,9 центнер) дасязы. Оглом чаклам 25 центнерлэсь трос тямыс ёросъёсын дасязы ни.

Тодэ вайытом, Удмуртиын нырысетӥ 40 гектар вылысь юосты кутсазы ни. 



Наверх
Вниз